نئی دہلی : وزیراعظم نریندر مودی نے اتوار کے روز بھارتی خلائی تحقیقی تنظیم (اسرو) کو بھارت کے سب سے بھاری مواصلاتی سیٹلائٹ CMS-03 کی کامیاب لانچنگ پر مبارکباد دی۔
وزیراعظم نے ایکس (X) پر پوسٹ کرتے ہوئے بھارتی خلائی سائنسدانوں کی تعریف کی اور کہا کہ بھارت کا خلائی شعبہ اب ’’کمال اور جدت‘‘ کی پہچان بن چکا ہے۔
مودی نے لکھا، "ہمارا خلائی شعبہ ہمیں مسلسل فخر محسوس کروا رہا ہے! بھارت کے سب سے بھاری مواصلاتی سیٹلائٹ CMS-03 کی کامیاب لانچنگ پر اسرو کو مبارکباد۔ ہمارے سائنسدانوں کی محنت سے یہ ممکن ہوا ہے۔ یہ دیکھ کر فخر ہوتا ہے کہ ہمارا خلائی شعبہ جدت اور شاندار کارکردگی کی علامت بن چکا ہے۔ ان کی کامیابیوں نے نہ صرف قومی ترقی کو آگے بڑھایا بلکہ لاکھوں زندگیوں کو مضبوط بنایا ہے۔"
Our space sector continues to make us proud!
— Narendra Modi (@narendramodi) November 2, 2025
Congratulations ISRO on the successful launch of India’s heaviest communication satellite, CMS-03.
Powered by our space scientists, it is commendable how our space sector has become synonymous with excellence and innovation. Their…
اس سے قبل، مرکزی وزیر جیتندر سنگھ نے بھی بھارتی بحریہ کے GSAT 7R (CMS-03) سیٹلائٹ کی کامیاب لانچنگ پر اسرو اور وزیراعظم مودی کو مبارکباد دی۔ انہوں نے LVM3 راکٹ کو ’’باہوبلی‘‘ قرار دیتے ہوئے کہا، "بھارت کا باہوبلی آسمانوں کو چھو رہا ہے۔ LVM3-M5 راکٹ نے CMS-03 سیٹلائٹ کو کامیابی سے خلا میں پہنچایا، جو اب تک بھارت سے لانچ کیا گیا سب سے بھاری مواصلاتی سیٹلائٹ ہے۔ اسرو ایک کے بعد ایک کامیابی رقم کر رہا ہے، اور اس کے پیچھے وزیراعظم مودی کی غیر متزلزل حمایت ہے۔"
یاد رہے کہ CMS-03 ایک جدید اور مقامی طور پر تیار کردہ مواصلاتی سیٹلائٹ ہے، جس کا وزن تقریباً 4,400 کلوگرام ہے۔ یہ سیٹلائٹ بھارتی بحریہ کے لیے خلا پر مبنی رابطے اور سمندری نگرانی کی صلاحیت کو مزید مضبوط بنائے گا۔
یہ سیٹلائٹ آندھرا پردیش کے سری ہرکوتہ میں ستیش دھون اسپیس سینٹر سے LVM3 راکٹ کے ذریعے لانچ کیا گیا — وہی راکٹ جس نے چندریان 3 مشن کے ذریعے بھارت کو چاند کے جنوبی قطب پر کامیاب لینڈنگ دلائی تھی۔
