گاندھی نگر :ہندوستان اور جرمنی نے پیر کے روز جموں و کشمیر کے پہلگام میں 22 اپریل 2025 اور دہلی میں 10 نومبر 2025 کو ہونے والے دہشت گرد حملوں کی سخت الفاظ میں مذمت کی اور بین الاقوامی قانون کے مطابق دہشت گردوں کے محفوظ ٹھکانوں اور انفراسٹرکچر کے خاتمے کے ساتھ ساتھ دہشت گرد نیٹ ورکس اور ان کی مالی معاونت کو نشانہ بنانے کے لیے اقدامات پر زور دیا۔

یہ باتیں وزیر اعظم نریندر مودی اور جرمن چانسلر فریڈرک مرز کے درمیان احمد آباد میں ہونے والی بات چیت کے بعد جاری مشترکہ بیان میں کہی گئیں۔ بیان میں کہا گیا کہ دونوں ممالک نے اقوام متحدہ کے چارٹر اور بین الاقوامی قانون کے مطابق دہشت گردی کے خلاف جامع اور مسلسل انداز میں عالمی سطح پر مربوط کارروائی کی ضرورت پر زور دیا۔

مشترکہ بیان میں کہا گیا کہ دونوں فریقین نے 22 اپریل 2025 کو پہلگام جموں و کشمیر میں ہونے والے دہشت گرد حملے اور 10 نومبر 2025 کو دہلی میں پیش آنے والے دہشت گرد واقعے کی شدید ترین الفاظ میں مذمت کی اور دہشت گردوں اور دہشت گرد تنظیموں کے خلاف تعاون کو مضبوط بنانے کے عزم کا اظہار کیا جن میں اقوام متحدہ کی 1267 پابندیوں کی کمیٹی میں درج عناصر بھی شامل ہیں۔

دہشت گردی سے متعلق اپنے مؤقف کو دہراتے ہوئے مشترکہ بیان میں کہا گیا کہ دونوں رہنماؤں نے دہشت گردی اور پرتشدد انتہاپسندی کی ہر شکل اور ہر مظہر کی بلا تردد اور بھرپور مذمت کی جن میں سرحد پار دہشت گردی بھی شامل ہے۔

بیان میں کہا گیا کہ دونوں ممالک نے اقوام متحدہ کے چارٹر اور بین الاقوامی قانون کے مطابق دہشت گردی کے خلاف جامع اور مسلسل عالمی کوششوں پر زور دیا۔مزید کہا گیا کہ ہندوستان اور جرمنی نے دہشت گردوں اور دہشت گرد تنظیموں کے خلاف تعاون کو مزید گہرا کرنے کے اپنے عزم کی توثیق کی جن میں اقوام متحدہ کی 1267 پابندیوں کی کمیٹی کے تحت درج عناصر بھی شامل ہیں۔

انسداد دہشت گردی کے فریم ورک کے تحت دونوں رہنماؤں نے باہمی قانونی معاونت کے معاہدے کی توثیق کا خیر مقدم کیا اور انسداد دہشت گردی سے متعلق مشترکہ ورکنگ گروپ کے تحت ہونے والی پیش رفت کا بھی نوٹس لیا۔جرمن چانسلر فریڈرک مرز پیر کے روز دو روزہ دورے پر احمد آباد پہنچے۔