ممبئی
سلمان خان اکثر خبروں اور بحث کا موضوع بنے رہتے ہیں۔ کبھی ان کی اداکاری تو کبھی ان کی فلاپ فلمیں سرخیوں میں رہتی ہیں، جس کی وجہ سے انہیں کئی بار ٹرولنگ کا بھی سامنا کرنا پڑتا ہے۔ اب حال ہی میں اداکار نے ایک انٹرویو میں انکشاف کیا ہے کہ انہوں نے اپنی پوری زندگی میں کبھی کوئی اسکرپٹ پڑھی ہی نہیں۔
ورائٹی انڈیا انسٹاگرام کی جانب سے جاری ایک ویڈیو میں سلمان خان نے کہا کہ میں نے اپنی پوری زندگی میں کبھی کوئی اسکرپٹ نہیں پڑھی۔ میں نے اسکرپٹ لکھی ہیں، لیکن کبھی پڑھی نہیں ہیں۔جو لوگ نہیں جانتے، انہیں بتا دیں کہ سلمان خان باغی، ویر اور دبنگ 3 جیسی فلموں کی اسکرپٹ لکھ چکے ہیں۔اس کے علاوہ انہوں نے یہ بھی کہا کہ آپ مجھے جو گھڑیاں پہنے ہوئے دیکھتے ہیں، اس کا مطلب یہ نہیں کہ وہ میری ہی ہیں۔ یا تو وہ کسی دوست کی ہوتی ہیں یا کسی اور کی۔
سکندر کی اسکرپٹ میں تبدیلی
سلمان خان نے حال ہی میں رتیش دیشمکھ کی فلم راجا شیواجی میں ایک خصوصی کیمیو کیا، لیکن ان کا آخری مکمل کردار اے آر مروگادوس کی فلم سکندر میں تھا، جو باکس آفس پر فلاپ ثابت ہوئی۔فلم کے ناکام ہونے کے بعد فلم ساز مروگادوس نے سپر اسٹار کے ساتھ کام کرنے کی مشکلات، ان کے شوٹنگ پر دیر سے پہنچنے اور خاص طور پر اسکرپٹ میں آخری وقت پر ہونے والی تبدیلیوں کے بارے میں کھل کر بات کی۔
مروگادوس نے کہا کہ کسی بڑے اسٹار کے ساتھ شوٹنگ کرنا آسان نہیں ہوتا۔ دن کے سین بھی ہمیں رات میں شوٹ کرنے پڑتے تھے کیونکہ وہ رات 8 بجے تک ہی سیٹ پر آتے تھے۔ ہم ایسے لوگ ہیں جنہیں صبح جلدی شوٹنگ کرنے کی عادت ہے، لیکن وہاں چیزیں اس طرح نہیں چلتی تھیں۔ اس کے علاوہ، سیٹ پر کئی لوگ اسکرپٹ میں فوری تبدیلیوں کے مشورے دیتے رہتے تھے۔اس کے بعد سلمان خان نے مروگادوس کے بیان کا جواب دیا۔ انہوں نے بگ باس کے ایک ایپی سوڈ کے دوران ان باتوں پر ردعمل دیا۔بات چیت اُس وقت شروع ہوئی جب شو میں بطور مہمان آئے کامیڈین روی گپتا نے سلمان سے پوچھا کہ کون سی فلمیں کرنے پر انہیں افسوس ہے۔
اس پر دبنگ خان نے کہا کہ نہیں، کوئی نہیں… لوگ کہتے ہیں ’سکندر‘، لیکن میں نہیں مانتا، اس کا پلاٹ بہت اچھا تھا۔اس کے بعد سلمان خان نے پروڈکشن کی جانب سے کیے گئے تبصروں پر ردعمل دیتے ہوئے کہا، ’’لیکن مسئلہ یہ ہے نا کہ میں سیٹ پر رات 9 بجے پہنچتا تھا، تو اسی میں گڑبڑ ہو گئی۔ میری پسلیاں ٹوٹی ہوئی تھیں، اور ہمارے ڈائریکٹر صاحب (اے آر مروگادوس) نے یہ بات کہی۔ لیکن ان کی فلم ’مدھرسی‘ ابھی ریلیز ہوئی ہے، جس میں اداکار صبح 6 بجے پہنچ جاتا تھا۔
