نئی دہلی
دہلی پولیس کی کرائم برانچ نے راجدھانی میں سرگرم ایک بین الاقوامی اسلحہ اسمگلنگ نیٹ ورک کا بڑا پردہ فاش کرتے ہوئے 10 اسمگلروں کو گرفتار کر لیا ہے۔ یہ پورا نیٹ ورک پرانی دہلی سے چلایا جا رہا تھا اور اس کے روابط پاکستان، نیپال اور بنگلہ دیش تک پھیلے ہوئے تھے۔
کئی ممالک کے ہائی ٹیک غیر ملکی ہتھیار برآمد
چھاپہ ماری کے دوران پولیس نے 21 ہائی ٹیک غیر ملکی ہتھیار اور 200 زندہ کارتوس برآمد کیے۔ برآمد شدہ ہتھیار مختلف ممالک میں تیار کیے گئے ہیں، جن میں شامل ہیں
چیک ریپبلک – سب مشین گن، شیڈو سی زیڈ
اٹلی – بیریٹا
ترکی – اسٹوگر پستول
چین – پی ایکس -3
برازیل – ٹورس
جرمنی – والتھر
پی ایکس-5.7 پستول – ایک اعلیٰ درجے کا ہتھیار جو خصوصی فورسز استعمال کرتی ہیں
برآمد ہونے والی پی ایکس -5.7 پستول کو سکیورٹی ایجنسیوں کے لیے بڑا الرٹ قرار دیا جا رہا ہے۔
ہتھیار پاکستان سے ہندوستان کیسے پہنچتے تھے؟
تحقیقات میں انکشاف ہوا ہے کہ یہ ہتھیار پاکستان کے راستے نیپال بارڈر تک لائے جاتے تھے اور وہاں سے دہلی-این سی آر پہنچائے جاتے تھے۔ اس کے بعد انہیں مختلف ریاستوں میں سرگرم مجرمانہ گروہوں تک سپلائی کیا جاتا تھا تاکہ سکیورٹی ایجنسیوں کی نظر سے بچا جا سکے۔ اسمگلر پاکستان سے لائے گئے ہتھیاروں کو نیپال کے راستے ہندوستان میں داخل کرتے اور پھر دہلی کو تقسیم کے مرکز کے طور پر استعمال کرتے تھے۔
دہلی کرائم برانچ کی بڑی کارروائی
بین الاقوامی نیٹ ورک کا پردہ فاش کرتے ہوئے 10 بڑے اسمگلروں کو گرفتار کیا گیا ہے۔ اس کارروائی میں پولیس نے 21 غیر ملکی ہتھیار اور 200 زندہ کارتوس برآمد کیے ہیں۔ پولیس کے مطابق یہ نیٹ ورک پاکستان، نیپال اور بنگلہ دیش تک پھیلا ہوا تھا اور دہلی سے پورے ہندوستان میں ہتھیار سپلائی کیے جاتے تھے۔
کرائم برانچ کے مطابق یہ گینگ کافی عرصے سے دہلی-این سی آر اور دیگر ریاستوں میں مجرمانہ گروہوں کو ہتھیار فراہم کر رہا تھا۔ خدشہ ظاہر کیا جا رہا ہے کہ ان میں سے کئی ہتھیار ہائی پروفائل فائرنگ کے واقعات اور گینگ وار میں استعمال ہو چکے ہیں۔
