نئی دہلی/ آواز دی وائس
وزیر اعظم نریندر مودی نے منگل کے روز گرو تیغ بہادر جی کی 350ویں شہادت برسی پر خراجِ عقیدت پیش کرتے ہوئے کہا کہ عقیدے اور انسانیت کے تحفظ کے لیے گرو کی شہادت ہمیشہ ہمارے معاشرے کو منور کرتی رہے گی۔ ایکس پر ایک
پوسٹ میں، وزیر اعظم مودی نے ایک ویڈیو شیئر کی اور گرو تیغ بہادر جی کے بے مثال حوصلے اور قربانی کو سلام پیش کیا۔
انہوں نے لکھا کہ سری گرو تیغ بہادر جی کے 350ویں شہہیدی دیوس کے موقع پر ہم ان کے بے مثال حوصلے اور قربانی کو سلام پیش کرتے ہیں۔ عقیدے اور انسانیت کے تحفظ کے لیے ان کی شہادت ہمیشہ ہمارے معاشرے کو روشن کرتی رہے گی۔
اس کے علاوہ، مرکزی وزیر داخلہ امیت شاہ نے بھی نویں سکھ گرو کو خراجِ عقیدت پیش کیا اور یاد دلایا کہ کس طرح انہوں نے کشمیری پنڈتوں کے لیے جدوجہد کی، ظالمانہ مغلوں کو للکارا، اور دین کی خاطر سب کچھ قربان کر دیا۔ انہوں نے کہا کہ سکھ دھرم کے نویں گرو، 'ہند کی چادر' گرو تیغ بہادر جی کی 350ویں شہادت برسی پر میں انہیں اپنا خراجِ عقیدت پیش کرتا ہوں۔
امت شاہ نے مزید کہا کہ گرو صاحب جی کی بہادری، صبر، قربانی اور عقیدت سے بھرپور قربانی کی داستان آج بھی دل میں فخر اور قومی دفاع کے عزم کو تازہ کر دیتی ہے۔ دریں اثنا، تین روزہ ’گرمت سماگم‘ جو 23 نومبر کو شروع ہوا تھا، 25 نومبر کو اختتام پذیر ہوگا۔ وزیر اعلیٰ ریکھا گپتا نے کہا کہ گرو تیغ بہادر جی کی 350ویں شہادت برسی پورے ملک میں انتہائی عقیدت، احترام اور جوش کے ساتھ منائی جا رہی ہے۔
