نئی دہلی:مرکزی حکومت نے کاکروچ جنتا پارٹی (سی جے پی) کے مرکزی وزیر تعلیم دھرمیندر پردھان کے استعفے کے مطالبے پر ہفتہ دوپہر تک مہلت مانگی ہے۔ سی جے پی نے جمعہ کو مرکزی وزراء کے ساتھ ملاقات کے بعد یہ جانکاری دی۔مرکزی وزیر جے پی نڈا اور وزیر مملکت جتیندر سنگھ نے نئی دہلی میں سی جے پی کے چیف ترجمان سوربھ داس اور قومی ترجمان آشوتوش رانکا سے بات چیت کی۔
ملاقات کے بعد آشوتوش رانکا نے صحافیوں سے کہا کہ حکومت نے دھرمیندر پردھان کے استعفے کے مطالبے پر کل دوپہر تک وقت مانگا ہے۔ انہوں نے امید ظاہر کی کہ حکومت جلد ہی انہیں عہدے سے ہٹا دے گی۔رانکا نے بتایا کہ حکومت نے اصولی طور پر دو دیگر مطالبات سے بھی اتفاق کیا ہے۔ ان میں نیٹ کے ایسے امیدواروں کے اہل خانہ کو مناسب معاوضہ دینا شامل ہے جنہوں نے خودکشی کی اور طلبہ کے خلاف درج ایف آئی آر اور دیگر قانونی مقدمات واپس لینا بھی شامل ہے۔
करीब एक घंटे तक चली सरकार और CJP की बातचीत अब खत्म हो गई है, कॉस्टिट्यूशन क्लब के VP हाउस में बैठक हई...सरकार की तरफ से जेपी नड्डा और जितेंद्र सिंह ने CJP प्रतिनिधियों से बातचीत की...बैठक का वीडियो देखिए pic.twitter.com/KXCxDI6FLR
— Shweta Rai (Vistaar News) (@Shwetaraiii) July 24, 2026
سی جے پی نے واضح کیا کہ اس کا بنیادی مطالبہ اب بھی وزیر تعلیم دھرمیندر پردھان کا استعفیٰ ہے۔سی جے پی کی نمائندگی کرنے والے سوربھ داس اور آشوتوش رانکا نے اس وقت مذاکرات پر آمادگی ظاہر کی جب حکومت نے ان کی دو مشروط تجاویز قبول کر لیں۔ ان تجاویز میں پُرامن مظاہرین کے خلاف کوئی قانونی کارروائی نہ کرنے اور امتحانی بے ضابطگیوں سے متاثرہ طلبہ کے خاندانوں کو مناسب معاوضہ فراہم کرنے کی یقین دہانی شامل تھی۔
#WATCH दिल्ली | सरकार के साथ बैठक के बाद कॉकरोच जनता पार्टी के राष्ट्रीय प्रवक्ता आशुतोष रांका ने कहा, "सरकार ने धर्मेंद्र प्रधान के इस्तीफे की हमारी मांग पर कल दोपहर तक का समय मांगा है। हमें उम्मीद है कि सरकार उन्हें जल्द ही बर्खास्त कर देगी। सरकार ने मुआवज़ा (सुसाइड से मरने… pic.twitter.com/PD3f8SRj53
— ANI_HindiNews (@AHindinews) July 24, 2026
یہ ملاقات سماجی کارکن سونم وانگچک کی جانب سے 26 روزہ بھوک ہڑتال ختم کرنے کے بعد ہوئی۔ انہوں نے قومی سطح کے امتحانات میں بے ضابطگیوں اور مسابقتی امتحانی نظام میں اصلاحات کے معاملے پر مرکزی حکومت کی جانب سے تحریری یقین دہانی ملنے کے بعد اپنی ہڑتال ختم کی۔سونم وانگچک نے میڈانٹا اسپتال میں مرکزی وزراء جے پی نڈا اور جتیندر سنگھ کی موجودگی میں اپنی بھوک ہڑتال ختم کی۔انہوں نے کہا کہ حکومت کی جانب سے پہلے زبانی یقین دہانیاں دی گئی تھیں لیکن انہوں نے تحریری یقین دہانی پر اصرار کیا جس کی وجہ سے ہڑتال ختم کرنے میں دو دن کی تاخیر ہوئی۔
ادھر وزیر اعظم نے رات گئے سوشل میڈیا پلیٹ فارم ایکس پر جاری ایک ویڈیو میں اعلان کیا کہ مرکزی کابینہ آئندہ اجلاس میں ایک ایسے مسودۂ قانون پر غور کرے گی جس میں پرچہ لیک کے معاملات کے لیے فاسٹ ٹریک عدالتوں کے قیام اور قصورواروں کے لیے سخت سزاؤں کی تجویز شامل ہوگی۔وزیر اعظم نے کہا کہ انہوں نے متعلقہ محکموں کو فاسٹ ٹریک عدالتیں قائم کرنے کی ہدایت جاری کر دی ہے۔ ساتھ ہی انہوں نے لکھا کہ پرچہ لیک کے خلاف مزید سخت اقدامات کل ہونے والے کابینہ اجلاس میں سامنے آئیں گے۔
#WATCH दिल्ली: कॉकरोच जनता पार्टी (CJP) के साथ मीटिंग के बाद, केंद्रीय मंत्री जेपी नड्डा ने कहा, "...मीटिंग लगभग 2 घंटे तक चली...उनकी 3 मुख्य मांगें थीं और एग्जाम के लिए 5 सुधार सुझाव थे। हमने उनसे कहा है कि हम कल दोपहर फिर मिलेंगे और सरकार के साथ हुई बातचीत के बारे में बताएंगे।" pic.twitter.com/MxsNUG211k
— ANI_HindiNews (@AHindinews) July 24, 2026
دھرمیندر پردھان کے استعفے پر حکومت نے کل تک مہلت مانگی، سی جے پی سے دوبارہ مذاکرات ہوں گے: جے پی نڈا
مرکزی وزیر جے پی نڈا نے جمعہ کو کہا کہ حکومت نے کاکروچ جنتا پارٹی (سی جے پی) کے نمائندوں کے ساتھ تقریباً دو گھنٹے تک بات چیت کی ہے اور آج اٹھائے گئے نکات پر اندرونی مشاورت کے بعد کل دوپہر ایک بار پھر سی جے پی کے نمائندوں سے ملاقات کی جائے گی۔جے پی نڈا نے صحافیوں سے گفتگو کرتے ہوئے کہا کہ سی جے پی نے تین اہم مطالبات اور امتحانی اصلاحات سے متعلق پانچ تجاویز پیش کی ہیں۔ حکومت ان مطالبات پر غور کرنے کے بعد کل اپنا موقف واضح کرے گی۔یہ نئی دہلی میں جے پی نڈا اور سی جے پی کے چیف ترجمان سوربھ داس اور قومی ترجمان آشوتوش رانکا کے درمیان دوسری ملاقات تھی۔ اس موقع پر مرکزی وزیر جتیندر سنگھ بھی موجود تھے۔ملاقات کے بعد سی جے پی کے قومی ترجمان آشوتوش رانکا نے کہا کہ حکومت نے وزیر تعلیم دھرمیندر پردھان کے استعفے کے مطالبے پر کل دوپہر تک مہلت مانگی ہے۔ انہوں نے امید ظاہر کی کہ حکومت جلد انہیں عہدے سے ہٹا دے گی۔
رانکا کے مطابق حکومت نے اصولی طور پر دو مطالبات سے اتفاق کیا ہے۔ پہلا یہ کہ نیٹ کے متاثرہ طلبہ میں خودکشی کرنے والوں کے اہل خانہ کو مناسب معاوضہ دیا جائے۔ دوسرا یہ کہ طلبہ کے خلاف درج ایف آئی آر اور قانونی مقدمات واپس لیے جائیں۔سی جے پی نے واضح کیا کہ اس کا بنیادی مطالبہ بدستور وزیر تعلیم دھرمیندر پردھان کا استعفیٰ ہے۔سی جے پی کی نمائندگی سوربھ داس اور آشوتوش رانکا نے کی۔ تنظیم نے حکومت کے ساتھ مذاکرات پر اس وقت آمادگی ظاہر کی جب حکومت نے مبینہ طور پر ان کی دو شرائط تسلیم کیں۔ ان میں پرامن مظاہرین کے خلاف قانونی کارروائی نہ کرنا اور امتحانی بے ضابطگیوں سے متاثرہ طلبہ کے خاندانوں کو مناسب معاوضہ فراہم کرنا شامل ہے۔ تاہم تنظیم نے دھرمیندر پردھان کے استعفے کے مطالبے سے پیچھے ہٹنے سے انکار کیا ہے۔
یہ ملاقات سماجی کارکن سونم وانگچک کی 26 روزہ بھوک ہڑتال ختم ہونے کے بعد ہوئی۔ انہوں نے نیٹ امتحان کے معاملے اور ملک کے مسابقتی امتحانی نظام میں اصلاحات کے حوالے سے مرکزی حکومت کی جانب سے تحریری یقین دہانی ملنے کے بعد اپنی ہڑتال ختم کی تھی۔
