حیدرآباد،  مولانا آزاد نیشنل اردو یونیورسٹی (مانو) میں بدھ کے روز شدید احتجاج اس وقت شروع ہوا جب تلنگانہ حکومت کی جانب سے یونیورسٹی کی 50 ایکڑ زمین دوبارہ حاصل کرنے کی تجویز پر نوٹس جاری کیا گیا طلبہ نے اس اقدام کو اعلیٰ تعلیم اور عوامی تعلیمی اداروں پر براہِ راست حملہ قرار دیتے ہوئے سخت مخالفت کی مانو اسٹوڈنٹس کلیکٹو کے بینر تلے طلبہ نے مرکزی لائبریری سے بابِ علم تک ریلی نکالی اور ’’لینڈ چوری نامنظور‘‘ کے نعرے لگائے ساتھ ہی نوٹس کو فوری طور پر واپس لینے کا مطالبہ کیا

یہ احتجاج 15 دسمبر کو رنگاریڈی ضلع کلکٹر کے دفتر کی جانب سے مانو کے رجسٹرار اشتیاق احمد کو جاری کیے گئے نوٹس کے بعد سامنے آیا جس میں سات دن کے اندر وضاحت طلب کی گئی تھی کہ منی کونڈا گاؤں گندی پیٹ منڈل کے سروے نمبر 211 اور 212 میں واقع 50 ایکڑ زمین کو دوبارہ کیوں نہ حاصل کر لیا جائے

نوٹس میں کہا گیا ہے کہ 1998 میں مانو کو الاٹ کی گئی 200 ایکڑ زمین میں سے تقریباً 150 ایکڑ پر تعمیرات موجود ہیں جبکہ 50 ایکڑ زمین خالی ہے جسے انتظامیہ نے غیر استعمال شدہ قرار دیا ہے

نوٹس کے مطابق یہ زمین قیمتی سرکاری اراضی کے طور پر الاٹ کی گئی تھی اور اس کے غیر استعمال شدہ حصے شرائط کی خلاف ورزی کے تحت واپس لیے جا سکتے ہیں اس میں معائنے کی رپورٹس اور سابقہ کارروائیوں کا حوالہ دیا گیا ہے یونیورسٹی نے تفصیلی جواب داخل کرنے کے لیے دو ماہ کی مہلت طلب کی ہے

احتجاج کے دوران میڈیا سے بات کرتے ہوئے طلبہ رہنما طلحہ منان نے کہا کہ یہ اقدام جامعات کو زمین کے ذخیرے کے طور پر دیکھنے کے خطرناک رجحان کی عکاسی کرتا ہے انہوں نے کہا یہ کوئی الگ تھلگ انتظامی قدم نہیں ہے ہم پہلے ہی دیکھ چکے ہیں کہ یونیورسٹی آف حیدرآباد کی زمین لینے کی کوشش کی گئی مانو کے طلبہ یہاں ایسا نہیں ہونے دیں گے

انہوں نے کہا کہ زمین کے استعمال میں تاخیر کی وجوہات بیوروکریٹک رکاوٹیں بروقت فنڈنگ کی کمی اور سی پی ڈبلیو ڈی جیسے اداروں پر انحصار ہیں اور اس بنیاد پر یونیورسٹیوں کو سزا دینا ناانصافی اور بددیانتی ہے

مانو اسٹوڈنٹس یونین کے سابق صدر متین اشرف نے کہا کہ حکومت کا یہ قدم ایسے وقت میں متضاد ہے جب یونیورسٹی کو شدید ہاسٹل بحران کا سامنا ہے انہوں نے کہا سینکڑوں طلبہ خاص طور پر حاشیے پر موجود اور اقلیتی طبقوں سے تعلق رکھنے والے طلبہ رہائش کے لیے پریشان ہیں اس زمین کو ہاسٹلز لائبریریوں اور تعلیمی ڈھانچے کی تعمیر کے لیے استعمال کیا جانا چاہیے نہ کہ اسے واپس لینے کے نام پر چھین لیا جائے

طلبہ نے مانو انتظامیہ سے بھی اپیل کی کہ وہ اس صورتحال کو تنبیہ سمجھتے ہوئے بنیادی ڈھانچے خاص طور پر ہاسٹلز کی توسیع کے لیے واضح اقدامات کرے تاکہ غیر استعمال شدہ سرکاری دعوے کا مؤثر جواب دیا جا سکے

یونیورسٹی آف حیدرآباد اسٹوڈنٹس یونین کے سابق صدر عتیق احمد نے بھی احتجاج میں شرکت کی اور مانو کے طلبہ سے یکجہتی کا اظہار کیا

اس حوالے سے طلبہ تنظیم ایس آئی او مانو یونٹ نے کہا تلنگانہ کی موجودہ کانگریس حکومت جو خود کو اقلیتوں کے حقوق کا علمبردار ظاہر کرتی ہے اب اپنے حقیقی چہرے کے ساتھ عوام کے سامنے آرہی ہے گزشتہ دنوں حکومت کی جانب سے حیدرآباد سنٹرل یونیورسٹی کی زمین قبضے میں لینے کی کوشش کی گئی اور اب ضلع کلکٹر کے ذریعے مولانا آزاد نیشنل اردو یونیورسٹی کی 50 ایکڑ زمین کو غیر استعمال شدہ قرار دے کر ہتھیانے کی کوشش کی جا رہی ہے

ایس آئی او مانو یونٹ نے مزید کہا ہم واضح کر دینا چاہتے ہیں کہ اردو یونیورسٹی کی زمین کا ہر حصہ یہاں تعلیم حاصل کرنے والے طلبہ اور تدریسی و انتظامی خدمات انجام دینے والے افراد کا اجتماعی اثاثہ ہے اگر کوئی طاقت کے زور پر اس زمین پر ناجائز قبضے کی کوشش کرے گا تو اسے اسی نوعیت کی عوامی اور قانونی مزاحمت کا سامنا کرنا پڑے گا جیسا حیدرآباد سنٹرل یونیورسٹی کے معاملے میں دیکھنے کو ملا تھا

اس معاملے پر سیاسی ردِعمل بھی سامنے آیا مرکزی وزیر جی کشن ریڈی نے الزام لگایا کہ تلنگانہ میں کانگریس حکومت یونیورسٹیوں کی زمینیں ہتھیانے کے لیے مشن موڈ میں کام کر رہی ہے انہوں نے کہا کانچا گچی باؤلی میں ایچ سی یو کی زمین کے بعد اب حکومت کی نظر اردو یونیورسٹی کی زمین پر ہے

وزیر مملکت برائے امورِ داخلہ بندی سنجے کمار نے سوال اٹھایا کہ ریاستی حکومت یونیورسٹی کی زمین کو بیچنے اور لوٹنے کا ارادہ رکھتی ہے

سابق وزیر ٹی ہریش راؤ نے سوشل میڈیا پوسٹ میں کہا کہ حکومت گزشتہ دو برسوں سے بار بار یونیورسٹیوں کی زمینوں کو نشانہ بنا رہی ہے جس سے تعلیم اور تحقیق کے بارے میں اس کے رویے پر سنگین سوالات پیدا ہوتے ہیں

بھارتیہ راشٹر سمیتی کے ورکنگ صدر کے ٹی راما راؤ نے اس اقدام پر تنقید کرتے ہوئے کہا کہ ان کی پارٹی یونیورسٹی اور اس کے طلبہ کے ساتھ کھڑی ہے

انہوں نے اپنے ایکس پوسٹ میں لکھا ہیلو راہل گاندھی جی کیا آپ کو ذرا بھی علم ہے کہ تلنگانہ میں آپ کی حکومت کیا کر رہی ہے کیا یہی تعلیم اور اقلیتوں کے ساتھ کھڑے ہونے کا آپ کا تصور ہے انہوں نے مزید سوال کیا کیا یہ انصاف ہے کہ نئی ابھرتی ہوئی تعلیمی شعبوں کے لیے درکار زمین یونیورسٹیوں سے چھین لی جائے اور اسے وزیر اعلیٰ کی رئیل اسٹیٹ لالچ کی نذر کر دیا جائے ایک ذمہ دار حکومت کو تعلیمی اداروں کو مضبوط بنانا چاہیے نہ کہ انہیں کمزور کرنا چاہیے