نئی دہلی/ آواز دی وائس
ہندوستان کے مرکزی وزیر تجارت و صنعت پیوش گوئل نے منگل کو وزیر اعظم نریندر مودی کی جانب سے حال ہی میں نافذ کیے گئے چار لیبر کوڈز کی تعریف کرتے ہوئے انہیں ہندوستانی ورک فورس کے لیے ’’گیم چینجر‘‘ قرار دیا۔ قومی دارالحکومت میں صحافیوں سے بات کرتے ہوئے گوئل نے نئے لیبر کوڈز کو پہلے سے نافذ 29 قوانین کا ’’متوازن اور جامع امتزاج‘‘ قرار دیا۔
انہوں نے کہا کہ چار لیبر کوڈز اس اعتماد کی بہترین مثال ہیں جو وزیراعظم مودی نے معاشرے کے تمام طبقات سے حاصل کیا ہے۔ 140 کروڑ ہندوستانی ان پر بھروسہ کرتے ہیں، اور آج آجر تنظیمیں اور مزدور تنظیمیں دونوں نے اسے دل سے قبول کیا ہے۔ یہ چاروں لیبر کوڈز 29 قوانین کا متوازن اور خوبصورت امتزاج ہیں۔ مزید برآں، انہوں نے کم از کم اجرت، پیشہ ورانہ تحفظ، گیگ ورکرز کے لیے سوشل سیکیورٹی، اور خواتین کے لیے نئے مواقع کی اصلاحات کو سراہا۔
انہوں نے کہا کہ یہ کم از کم اجرت، پیشہ ورانہ تحفظ، گیگ ورکرز کے لیے سماجی تحفظ، اور ایک طرح سے خواتین کو بڑی تعداد میں ورک فورس میں شامل ہونے کے مواقع فراہم کرتا ہے۔ یہ ایک گیم چینجر ہے جو وزیر اعظم مودی نے متعارف کرایا ہے۔ مجھے یقین ہے کہ ریاستیں ایسا قانونی فریم ورک بنائیں گی جس سے ان لیبر کوڈز کے زیادہ سے زیادہ فائدے حاصل کیے جا سکیں۔
خواتین کے لیے فائدے
ان کوڈز کے تحت جنس کی بنیاد پر امتیاز پر پابندی ہے، مساوی اجرت لازمی کی گئی ہے، اور خواتین کو تمام شعبوں میں کام کرنے کی اجازت دی گئی ہے۔ جس میں زیرِ زمین کان کنی اور بھاری مشینری کے شعبے بھی شامل ہیں۔ رات کی شفٹوں میں کام کی اجازت بھی دی گئی ہے، لیکن ان کی سلامتی اور رضامندی کی شرط کے ساتھ۔ ساتھ ہی ورک فرام ہوم جیسی لچکدار سہولیات بھی شامل کی گئی ہیں تاکہ خواتین کی شمولیت بڑھے۔
اس بی آئی کی ایک رپورٹ کے مطابق
نئے لیبر کوڈز سے بیروزگاری میں 1.3 فیصد تک کمی آ سکتی ہے، جس کا مطلب 77 لاکھ نئی ملازمتوں کا اضافی امکان ہے۔
