نئی دہلی
یکم مارچ 2026 سے آپ کی روزمرہ زندگی میں کئی بڑے تبدیلیاں نافذ ہونے جا رہی ہیں۔ گیس کی قیمتیں، ریلوے ٹکٹنگ، بینکنگ کے قواعد اور موبائل ایپس ہر جگہ نئے ضابطے یا اپڈیٹس نظر آئیں گے۔ یہ تبدیلیاں براہِ راست آپ کے اخراجات، سفر اور ڈیجیٹل لین دین کو متاثر کر سکتی ہیں۔ لیکن اگر آپ وقت پر خود کو اپڈیٹ کر لیں تو یہ تبدیلیاں آپ کی زندگی کو مزید آسان اور محفوظ بنا سکتی ہیں۔ آئیے جانتے ہیں کہ یکم مارچ سے کیا کیا بدل رہا ہے اور اس کا آپ کی روزمرہ زندگی پر کیا اثر پڑے گا۔
ایل پی جی گیس سلنڈر
باورچی خانے کی گیس کی قیمتیں اس وقت زیادہ نہیں بڑھی ہیں اور عام لوگوں کے لیے مستحکم ہیں۔ تاہم 19 کلوگرام والے کمرشل سلنڈر کی قیمتیں ہر ماہ کچھ نہ کچھ کم زیادہ ہوتی رہتی ہیں۔ پچھلے مہینے اس کی قیمت میں تقریباً ₹49 کا اضافہ ہوا تھا اور مارچ میں بھی معمولی تبدیلی کا امکان ہے۔ ہوٹل، ریسٹورنٹس اور کیٹرنگ سے وابستہ افراد کو اس پر خاص توجہ دینی چاہیے۔
ریل ون ایپ سے ریلوے ٹکٹنگ مزید آسان
یکم مارچ 2026 سے پرانا یو ٹی ایس ایپ بند کر دیا جائے گا اور اس کی جگہ ریل ون ایپ کام کرے گی۔ اب صرف جنرل اور پلیٹ فارم ٹکٹ ہی نہیں بلکہ ریزرویشن، ٹرین کا لائیو اسٹیٹس اور لوکیشن جیسی تمام سہولتیں اسی ایک ایپ میں دستیاب ہوں گی۔
RailOne ایپ سے جنرل ٹکٹ بک کرنے کا طریقہ بھی نہایت آسان ہے: ایپ کھولیں، جرنی پلانر میں “ انریسرروڈ” آپشن منتخب کریں، اپنے اسٹیشن درج کریں اور ٹرین کی قسم منتخب کریں۔ ادائیگی مکمل ہونے کے بعد آپ کا ٹکٹ مائی ٹکٹس سیکشن میں نظر آئے گا اور ضرورت پڑنے پر پی ڈی ایفبھی ڈاؤن لوڈ کی جا سکے گی۔ اب مختلف پلیٹ فارمز پر جانے کی ضرورت نہیں، سب کام ایک ہی جگہ سے ہو جائے گا۔
سم بائنڈنگ اور ڈیجیٹل فراڈ سے تحفظ
یکم مارچ سے واٹس ایپ ، تیلیگرام اور سگنل جیسے ایپس براہِ راست آپ کے سم سے منسلک ہوں گی۔ اگر آپ سم نکالیں گے تو یہ ایپس کام نہیں کریں گی۔ وائی فائی یا کسی اور نیٹ ورک کے ذریعے سم کے بغیر ان کا استعمال ممکن نہیں ہوگا۔
یو پی آئی اور ڈیجیٹل ادائیگی کی سیکیورٹی
اب بڑی رقم کی منتقلی صرف یو پی آئی پن سے ممکن نہیں ہوگی۔ اس کے لیے اضافی بایومیٹرک یا ملٹی فیکٹر آتھنٹیکیشن ضروری ہوگا۔ اس اقدام سے آن لائن فراڈ اور دھوکہ دہی میں کمی آئے گی۔
بینکنگ اور منیمم بیلنس کے قواعد
سرکاری بینک یکم مارچ سے منیمم بیلنس کے اصولوں میں تبدیلی کر رہے ہیں۔ پہلے کسی ایک دن بیلنس کم ہونے پر جرمانہ لگ جاتا تھا، اب پورے مہینے کے اوسط بیلنس کی بنیاد پر جرمانہ عائد کیا جائے گا۔
سی این جی، پی این جی اور اے ٹی ایف کی قیمتیں
ہر ماہ کے آغاز میں پیٹرولیم کمپنیاں سی این جی، پی این جی اور ایئر ٹربائن فیول کی قیمتوں میں رد و بدل کرتی ہیں۔ مارچ میں بھی ان کی قیمتوں میں تبدیلی کا امکان ہے۔
معیشت سے متعلق تازہ اعداد و شمار
۔2022-23 کو بیس ایئر مانتے ہوئے نیشنل اکاؤنٹس کی نئی سیریز کے مطابق، ہندوستان کی معیشت 2025-26 کی اکتوبر-دسمبر سہ ماہی کے دوران 7.8 فیصد بڑھی، جو ایک سال پہلے 7.4 فیصد تھی۔ وزارتِ شماریات و پروگرام نفاذ نے جمعہ کے روز بیس ایئر 2022-23 کے ساتھ سالانہ اور سہ ماہی نیشنل اکاؤنٹس کے تخمینوں کی نئی سیریز جاری کی۔
.webp "مارچ سے ریل، گیس، بینکنگ اور موبائل ایپس میں بڑی تبدیلیاں")
.gif)
