انہوں نے محفوظ اور شفاف سپلائی چین کی تعمیر میں ہندوستان اور نیدرلینڈز کے درمیان بڑھتے تعاون کو بھی اجاگر کیا۔مودی نے کہا کہ آج کے عالمی حالات میں دنیا مضبوط سپلائی چین کی بات کر رہی ہے، اور ہندوستان و نیدرلینڈز ایک قابلِ اعتماد اور شفاف سپلائی چین بنانے کے لیے مل کر کام کر رہے ہیں۔

وزیر اعظم کی یہ تنبیہ نیدرلینڈز میں مقیم ہندوستانی برادری کے ایک پروگرام کے دوران سامنے آئی۔ انہوں نے وہاں رہنے والے ہندوستانی افراد کی تعریف کرتے ہوئے کہا کہ وہ اپنی ثقافتی جڑوں کو محفوظ رکھنے کے ساتھ ساتھ ڈچ معاشرے میں بھی اہم کردار ادا کر رہے ہیں۔

انہوں نے کہا کہ اتنا پیار اور جوش دیکھ کر، سچ کہوں تو کچھ لمحوں کے لیے میں یہ بھول ہی گیا تھا کہ میں نیدرلینڈز میں ہوں۔ ایسا محسوس ہو رہا ہے جیسے ہندوستان میں کہیں کوئی تہوار منایا جا رہا ہو۔مودی نے بیرونِ ملک مقیم ہندوستانیوں کی کہانیوں کو جدوجہد کے باوجود کامیابی کی داستانیں قرار دیا اور نسل در نسل ہندوستانی زبانوں اور روایات کو محفوظ رکھنے پر ان کی ستائش کی۔ہندوستان کی معاشی ترقی کا ذکر کرتے ہوئے وزیر اعظم نے کہا کہ ملک دنیا کے تیسرے سب سے بڑے اسٹارٹ اپ ایکو سسٹم کے طور پر ابھرا ہے اور جدت، مینوفیکچرنگ اور گرین انرجی کا مرکز بنتا جا رہا ہے۔

وزیر اعظم مودی نے ہندوستان اور نیدرلینڈز کے درمیان کھیلوں کے تعلقات کا بھی ذکر کیا اور دونوں ممالک کے ایک دوسرے کے کھیلوں کے نظام میں تعاون کو سراہا۔انہوں نے کہا کہ ہندوستان میں منعقدہ ٹی20 کرکٹ ورلڈ کپ میں نیدرلینڈز نے عمدہ کارکردگی دکھائی۔ جس طرح ہندوستانیوں نے ڈچ کرکٹ میں تعاون دیا ہے، اسی طرح نیدرلینڈز نے بھی ہندوستانی ہاکی میں اہم کردار ادا کیا ہے۔

مودی نے خاص طور پر ہندوستانی خواتین ہاکی ٹیم کے سابق کوچ سجورڈ مارین کا ذکر کرتے ہوئے کہا کہ انہوں نے ہندوستانی خواتین ہاکی کی ترقی میں نمایاں کردار ادا کیا ہے۔