نئی دہلی
اتر پردیش کے وزیر اعلیٰ یوگی نے بدھ کے روز کہا کہ گنگا ایکسپریس وے کی تعمیر میں کسانوں کا کردار انتہائی اہم رہا ہے، کیونکہ ایک لاکھ سے زیادہ کسانوں نے اس منصوبے کے لیے زمین فراہم کی، جس سے اس کی بروقت تکمیل ممکن ہو سکی۔
گنگا ایکسپریس وے کے افتتاحی پروگرام سے قبل منعقدہ ایک جلسے سے خطاب کرتے ہوئے وزیر اعلیٰ نے کہاکہ 12 اضلاع کے ایک لاکھ سے زیادہ کسانوں نے اس ایکسپریس وے کے لیے اپنی زمین دی۔ میں ان تمام ‘انّ داتا’ کسانوں کا شکریہ ادا کرتا ہوں، جن کے تعاون سے یہ منصوبہ حقیقت کا روپ لے سکا۔
وزیر اعظم نریندر مودی نے 594 کلومیٹر طویل گنگا ایکسپریس وے کے افتتاح کے لیے ہردوئی کے ملاواں میں منعقدہ تقریب میں شرکت کی۔ یہ ایکسپریس وے میرٹھ کو پریاگ راج سے جوڑتا ہے اور ریاست کے 12 اضلاع سے گزرتا ہے۔وزیر اعلیٰ نے بتایا کہ اس منصوبے کا سنگِ بنیاد دسمبر 2021 میں رکھا گیا تھا اور اسے مقررہ مدت کے اندر مکمل کر لیا گیا، جو ریاستی حکومت کے بنیادی ڈھانچے کی ترقی کے تئیں عزم کو ظاہر کرتا ہے۔
انہوں نے کہا کہ یہ ایکسپریس وے نہ صرف آمد و رفت کو آسان بنائے گا بلکہ ریاست کی معیشت، صنعتی ترقی اور روزگار کے مواقع کو بھی فروغ دے گا۔ادھر، مقامی ترنمول کانگریس رہنماؤں کو مبینہ طور پر دھمکیاں ملنے کی شکایات کے بعد، ممتا بنرجی پہلے ہی ایک پولنگ بوتھ کے باہر بیٹھی نظر آئیں، اسی دوران مرکزی فورسز کی بھاری تعیناتی کے بیچ حکام بھی وہاں پہنچ گئے۔
_(1).webp "گنگا ایکسپریس وے کی تعمیر میں کسانوں کا اہم رول ہے: یوگی")
