نئی دہلی- ملک کی راجدھانی دلی میں ایک بار پھر دھماکے کی گونج نے سنسنی پیدا کر دی جب پرانی دلی میں  لال قلعہ میٹرو اسٹیشن کے گیٹ نمبر 1 کے قریب ایک کار میں دھماکہ ہوا، جس کے بعد تین سے چار دیگر گاڑیوں میں بھی آگ لگ گئی، پی ٹی ائی نے اب تک 8 افراد کے ہلاک ہونے کی تصدیق کر دی ہے،دہلی پولیس نے شہر میں ہائی الرٹ جاری کر دیا ہے۔ دہلی فائر سروسز کے مطابق سات فائر بریگیڈ کی گاڑیاں فوری طور پر موقع پر پہنچ گئیں جبکہ پولیس نے پورے علاقے کو گھیرے میں لے لیا۔

#WATCH | Delhi: Blast near Red Fort Metro station | A team of Delhi Police Crime Branch arrives at the spot. pic.twitter.com/FpCj1FHqow

— ANI (@ANI) November 10, 2025

 دہلی پولیس کمشنر ستیش گولچا نے کہا

آج تقریباً شام 6 بج کر 52 منٹ پر ایک آہستہ چلتی گاڑی ریڈ لائٹ پر رکی ہوئی تھی، اسی دوران اس گاڑی میں دھماکہ ہوا۔ دھماکے کے باعث آس پاس کھڑی کئی دیگر گاڑیاں بھی نقصان کا شکار ہو گئیں۔ تمام ایجنسیاں، ایف ایس ایل اور این آئی اے موقع پر موجود ہیں۔ اس واقعے میں کچھ افراد ہلاک ہوئے ہیں جبکہ کچھ زخمی ہیں۔ صورتحال پر قریبی نظر رکھی جا رہی ہے۔ وزیر داخلہ نے بھی ہمیں فون کیا ہے، اور انہیں وقفے وقفے سے تمام معلومات فراہم کی جا رہی ہیں۔"

#WATCH | Delhi: Delhi Police Commissioner Satish Golcha says, "Today at around 6.52 pm, a slow-moving vehicle stopped at the red light. An explosion happened in that vehicle, and due to the explosion, nearby vehicles were also damaged. All agencies, FSL, NIA, are here... Some… pic.twitter.com/uIt7NRziur

— ANI (@ANI) November 10, 2025

#WATCH | Delhi: Forensic team arrives at the spot after the blast near Gate no 1 of the Red Fort Metro station in Delhi

Delhi Police Commissioner Satish Golcha said, "Today at around 6.52 pm, a slow-moving vehicle stopped at the red light. An explosion happened in that vehicle,… pic.twitter.com/rQeXcLYQ69

— ANI (@ANI) November 10, 2025

دھماکے کی شدت اتنی تھی کہ کئی میٹر دور کھڑی گاڑیوں کے شیشے چکنا چور ہو گئے، اور قریبی عمارتوں میں بھی یہ آواز سنائی دی۔دہلی فائر سروس کے ایک سینئر افسر نے بتایا، یہ دھماکہ لال قلعہ میٹرو اسٹیشن کے گیٹ نمبر 1 کے قریب کھڑی ایک کار میں ہوا۔ دھماکہ انتہائی شدید تھا، زخمیوں کے ہونے کا خدشہ ہے۔

واقعے کی ویڈیوز میں جلتی ہوئی گاڑیوں سے اٹھتے ہوئے شعلے صاف نظر آ رہے تھے ۔دھماکے کے بعد علاقے میں افرا تفری پھیل گئی، اور کئی گاڑیاں شدید طور پر تباہ دکھائی دیں۔ایک عینی شاہد نے بتایا، میں گرودوارے میں تھا کہ اچانک بہت زور دار آواز سنی۔ ہمیں سمجھ نہیں آیا کہ ہوا کیا ہے، آواز بہت تیز تھی۔"انہوں نے مزید کہا، قریب کھڑی کئی گاڑیاں مکمل طور پر تباہ ہو گئیں 

 یاد رہے کہ دہلی پولیس نے قومی دارالحکومت میں سکیورٹی چیکنگ میں اضافہ کر دیا ہے، کیونکہ ہریانہ کے فرید آباد میں تقریباً 360 کلو مشتبہ امونیم نائٹریٹ اور اسلحہ و گولہ بارود کا بڑا ذخیرہ برآمد ہوا ہے، ایک افسر نے پیر کو بتایا۔یہ اسلحہ فرید آباد میں ایک کشمیری ڈاکٹر کے کرائے کے مکان سے ضبط کیا گیا۔اسی دوران،

 تحقیقات ایجنسیاں موقع پر پہنچ گئیں

واقعے کی سنگینی کو دیکھتے ہوئے کئی اہم تحقیقاتی ٹیمیں موقع پر پہنچ چکی ہیں۔ دھماکے کی نوعیت اور وجہ جاننے کے لیے فورینزک ٹیم بھی موقع پر موجود ہے۔ دہشت گردی کے ممکنہ پہلو کی جانچ کے لیے سادِک نگر کی اسپیشل سیل یونٹ بھی جائے وقوعہ پر پہنچ رہی ہے۔ دہلی پولیس کے ذرائع کے مطابق ڈی سی پی اسپیشل سیل سمیت کئی اعلیٰ افسران بھی موقع پر پہنچ رہے ہیں۔ فورینزک اور ٹیکنیکل ماہرین یہ معلوم کرنے کی کوشش کر رہے ہیں کہ آخر یہ دھماکہ کس نوعیت کا تھا۔

وزارتِ داخلہ کی ہدایت: “خوف و ہراس نہ پھیلائیں”

وزارتِ داخلہ کے ذرائع نے اس واقعے کے حوالے سے احتیاطی ہدایت جاری کی ہے۔ ذرائع کے مطابق، لال قلعہ میں کار کے دھماکے کو فی الحال “بلاسٹ” (دھماکہ) کہنے سے گریز کیا جائے، تاکہ عوام میں خوف و ہراس نہ پھیلے۔ وزارتِ داخلہ کے مطابق، ممکن ہے یہ سی این جی سلنڈر پھٹنے کا واقعہ ہو۔ حتمی تحقیقات کے بعد جو نتیجہ سامنے آئے، صرف اسی کی بنیاد پر رپورٹ کیا جائے۔

پولیس نے کیا کہا

دہلی پولیس کے افسران کے مطابق، واقعہ کی تحقیقات جاری ہیں۔ ایک پولیس افسر نے کہا،"فی الحال ہم کچھ نہیں کہہ سکتے، معاملے کی جانچ کی جا رہی ہے۔"سی آر پی ایف کے ڈپٹی انسپکٹر جنرل (ڈی آئی جی) بھی موقع پر پہنچ گئے۔ انہوں نے کہا،"ابھی کچھ کہنا قبل از وقت ہوگا، میں جائے وقوعہ جا رہا ہوں۔"

نائب چیف فائر آفیسر اے کے ملک نے بتایا کہ انہیں اطلاع ملی کہ چاندنی چوک میٹرو اسٹیشن کے قریب ایک کار میں دھماکہ ہوا ہے۔
"ہم نے فوراً کارروائی کی اور سات فائر یونٹ موقع پر بھیجے۔ شام 7:29 بجے آگ پر قابو پا لیا گیا۔ امکان ہے کہ اس واقعے میں جانی نقصان ہوا ہے۔ ہماری تمام ٹیمیں موقع پر موجود ہیں،" انہوں نے کہا۔

چشم دید کیا کہتے ہیں

عینی شاہدین نے بتایا کہ منظر انتہائی دلخراش تھا۔ایک مقامی شخص نے اے این آئی کو بتایا،"جب ہم نے سڑک پر کسی کا ہاتھ پڑا دیکھا تو ہم سکتے میں آگئے، یہ بیان سے باہر ہے۔"ایک اور عینی شاہد نے کہا،"جب ہم قریب گئے تو انسانی اعضا سڑک پر بکھرے ہوئے تھے۔ کوئی نہیں سمجھ پایا کہ کیا ہوا۔ کئی گاڑیاں تباہ ہو چکی تھیں۔"ایک دکاندار نے بتایا کہ اس نے اپنی زندگی میں اتنا زوردار دھماکہ کبھی نہیں سنا۔"دھماکے کی شدت سے میں تین بار گرا۔ لگا جیسے سب کچھ ختم ہو جائے گا۔ کئی گاڑیاں تباہ ہو گئیں،" اس نے کہا۔ایل این جے پی اسپتال کے میڈیکل سپرنٹنڈنٹ نے بتایا کہ پندرہ افراد کو اسپتال لایا گیا، جن میں آٹھ دم توڑ چکے ہیں، تین شدید زخمی ہیں، جبکہ ایک کی حالت مستحکم ہے۔