نئی دہلی : ہندوستان کے وزیر خارجہ ایس جے شنکر نے جنوبی افریقہ کے فریڈم ڈے کے موقع پر وزیر خارجہ رونالڈ لامولا، حکومت اور عوام کو مبارکباد پیش کی۔ انہوں نے کہا کہ ہندوستان اور جنوبی افریقہ کے درمیان اسٹریٹجک شراکت داری کو مزید مضبوط بنانے کے لیے پرعزم ہیں۔

ایس جے شنکر نے ٹوگو کے وزیر خارجہ رابرٹ دوسے کو ان کے قومی دن پر اور سیرا لیون کے وزیر خارجہ تیموتھی موسیٰ کبا کو یوم آزادی کے موقع پر نیک خواہشات پیش کیں۔

اس سے قبل ہندوستان اور سیرا لیون کے درمیان نئی دہلی میں خارجہ امور کی مشاورت کا دوسرا دور منعقد ہوا جس میں تجارت سرمایہ کاری صحت تعلیم اور عوامی روابط سمیت مختلف شعبوں میں تعاون کا جائزہ لیا گیا۔ دونوں ممالک نے دفاع توانائی اور ترقیاتی شراکت داری کو مزید فروغ دینے پر اتفاق کیا۔