نئی دہلی: وزیر اعظم نریندر مودی نے دہلی کے پرگتی میدان میں ملک کے سب سے بڑے ڈرون فیسٹیول کا افتتاح کیا۔ پی ایم مودی نے یہاں ڈرون نمائش دیکھی اور اس ٹیکنالوجی کا استعمال کرنے والے لوگوں سے ملاقات کی۔

اس دوران انہوں نے یہاں موجود تمام لوگوں سے خطاب بھی کیا۔ جس میں انہوں نے کہا کہ میں اس کام سے جڑے تمام لوگوں کے لیے نیک خواہشات کا اظہار کرتا ہوں۔ اس ٹیکنالوجی کو لے کر جو جوش و خروش دیکھا جا رہا ہے وہ کافی حیران کن ہے۔

وزیراعظم نے کہا کہ پہلے ٹیکنالوجی کا خوف دکھایا جاتا تھا لیکن ہم نے اسے عوام تک پہنچانے کا کام کیا۔ ڈرون فیسٹیول سے خطاب کرتے ہوئے پی ایم مودی نے کہا کہ آج ہندوستان ایک اسٹارٹ اپ پاور کے طور پر ڈرون ٹیکنالوجی میں تیزی سے آگے بڑھ رہا ہے۔

یہ فیسٹیول صرف ٹیکنالوجی کے بارے میں نہیں ہے، بلکہ یہ نئے تجربات کی طرف نئے ہندوستان کی نئی حکمرانی کی بے مثال مثبتیت کا جشن بھی ہے۔ یہ 8 سال پہلے کا وقت تھا جب ہم نے ہندوستان میں گڈ گورننس کے نئے منتروں کو نافذ کرنا شروع کیا تھا۔ سب کا ساتھ سب کا وکاس کے منتر پر عمل کرتے ہوئے ہم نے ملک کے ہر شہری کو حکومت سے جوڑنے کا راستہ منتخب کیا۔

ہم جدید ٹیکنالوجی پر انحصار کرتے ہیں۔ پی ایم مودی نے کہا کہ پچھلی حکومتوں کے دوران ٹیکنالوجی کو مسئلہ کا حصہ سمجھا جاتا تھا، اسےغریب مخالف ثابت کرنے کی کوشش کی گئی۔ جس کی وجہ سے 2014 سے قبل گورننس میں ٹیکنالوجی کے استعمال کے حوالے سے بے حسی کی فضا تھی۔

سب سے زیادہ نقصان ملک کے غریبوں، پسماندہ طبقے، متوسط ​​طبقے کا ہوا۔ ان کا مزید کہنا تھا کہ پہلے زمانے میں لوگوں کو اناج، مٹی کے تیل، چینی کے لیے گھنٹوں قطار میں کھڑا ہونا پڑتا تھا۔

لوگ ڈر گئے کہ ان کے حصے کا سامان ملے گا یا نہیں۔ آج ٹیکنالوجی کی مدد سے ہم نے اس خوف کو ختم کر دیا ہے۔ اب لوگوں کو یقین ہے کہ انہیں ان کا حصہ ملے گا۔

مسٹر مودی نے یہاں انڈیا ڈرون فیسٹیول سے خطاب کرتے ہوئے کہا کہ ملک میں گلوبل ڈرون ہب بننے کی صلاحیت ہے۔

انہوں نے کہا’’ ڈرون ٹیکنالوجی کے سلسلے مین جو جوش و خروش دیکھنے کو مل رہا ہے وہ حیرت انگیز ہے۔ یہ جوتوانائی نظر آ رہی ہے ، وہ ہندوستان میں ڈرون سروس اور ڈرون پر مبنی صنعت کی لمبی چھلانگ کی عکاس ہے ۔ یہ ہندوستان میں روزگار پیدا کرنے کے ایک ابھرتے ہوئے بڑے شعبے کی صلاحیت کو ظاہر کرتا ہے ۔

ملک میں ڈرون انڈسٹری کو فروغ دینے کے لیے حکومت کی پالیسیوں کا ذکر کرتے ہوئےانہوں نے کہا’’ آٹھ سال پہلے، یہ ہی وہ وقت تھا جب ہندوستان میں ہم نے گڈ گورننس کے نئے ضوابط کو نافذ کرنا شروع کیا تھا ۔

منیمم گورنمنٹ اورمیکسیمم گورننس کے راستے پر چلتے ہوئے زندگی اور کاروبار کو ہم نے آسان بنانے کو ترجیح دی ہے ۔ پہلے کی حکومتوں کے دوران ٹیکنالوجی کو مسئلے کا حصہ سمجھا جاتا تھا، اس کو غریب مخالف ثابت کرنے کی کوشش کی جاتی تھی ۔ جس کی وجہ سے 2014 سے قبل گورننس میں ٹیکنالوجی کے استعمال کے سلسلے میں بے حسی کا ماحول تھا ۔ اس کا سب سے زیادہ نقصان غریب ، پسماندہ اور متوسط ​​طبقے کو ہوا‘‘ ۔