نئی دہلی
جنوب مشرقی دہلی کے کالندی کنج علاقے میں دریائے جمنا کے سیلابی میدان کے 'او زون' میں مبینہ طور پر غیر قانونی طور پر تعمیر کی گئی عمارتوں اور ڈھانچوں کے خلاف منگل کے روز انہدامی کارروائی انجام دی گئی۔ ایک سرکاری افسر نے یہ اطلاع دی۔
ایک سینئر پولیس افسر نے کہا کہ کسی بھی ناخوشگوار واقعے سے بچنے کے لیے علاقے میں سکیورٹی کے سخت انتظامات کیے گئے ہیں۔ قانون و نظم برقرار رکھنے کے لیے پولیس اہلکاروں کی مناسب تعداد تعینات کی گئی ہے۔
انہدامی کارروائی کے دوران بڑی تعداد میں مقامی لوگ موقع پر جمع ہو گئے۔
