نئی دہلی۔ دہلی کے لیفٹیننٹ گورنر ترنجیت سنگھ سندھو نے جمعہ کو دہلی پولیس اور دہلی ٹریفک پولیس کے اعلیٰ افسران کے ساتھ قومی دارالحکومت میں ٹریفک انتظامات اور نفاذ سے متعلق اقدامات کا جائزہ لیا۔ اجلاس میں جاری مانسون کے موسم۔ کانوڑ یاترا اور آئندہ یوم آزادی کی تیاریوں پر خصوصی توجہ مرکوز کی گئی۔لیفٹیننٹ گورنر کے دفتر کے مطابق اجلاس میں مانسون کے موسم۔ کانوڑ یاترا اور یوم آزادی کے سلسلے میں ٹریفک انتظامات پر تفصیلی تبادلہ خیال کیا گیا۔

لیفٹیننٹ گورنر نے موجودہ مانسون کے موسم میں پانی جمع ہونے والے مقامات کی تعداد 169 سے کم ہوکر 65 رہ جانے پر اطمینان کا اظہار کیا۔ انہوں نے کہا کہ اس بہتری کے نتیجے میں ٹریفک سے متعلق مسائل میں بھی کمی آئی ہے۔انہوں نے کہا کہ پروجیکٹ سنگم کے تحت شہریوں کی شرکت سے ٹریفک انتظامات میں بہتری آئی ہے۔افسران نے بتایا کہ ٹریفک قوانین کی خلاف ورزیوں کے خلاف کارروائی میں تیزی لائی گئی ہے۔ لیفٹیننٹ گورنر کے دفتر کے مطابق سڑک کی غلط سمت میں گاڑی چلانے کے خلاف کارروائی میں 113 فیصد اضافہ ہوا ہے اور ایسے معاملات میں 2321 ایف آئی آر درج کی گئی ہیں۔ اس کے علاوہ غیر مجاز پارکنگ کے خلاف بھی خصوصی مہم چلائی جا رہی ہے۔

لیفٹیننٹ گورنر نے ایکس پر اپنی پوسٹ میں کہا کہ سڑکوں پر پولیس کی فعال موجودگی اور عوام کا تعاون ٹریفک جام۔ ٹریفک قوانین کی خلاف ورزیوں اور تجاوزات کو کم کرنے کے لیے ضروری ہے۔انہوں نے کہا کہ ہر شہری کو محفوظ۔ منظم اور پریشانی سے پاک سفر کا حق حاصل ہے۔ انہوں نے مزید کہا کہ دارالحکومت میں مؤثر ٹریفک انتظام کو یقینی بنانے میں کسی بھی قسم کی غفلت برداشت نہیں کی جائے گی۔

انہوں نے کہا کہ خطرناک ٹریفک خلاف ورزیوں کے خلاف کارروائی بھی تیز کردی گئی ہے۔ سڑک کی غلط سمت میں گاڑی چلانے کے خلاف کارروائی میں 113 فیصد اضافہ ہوا ہے اور ایسے معاملات میں 2321 ایف آئی آر درج کی گئی ہیں۔ غیر مجاز پارکنگ کے خلاف بھی سخت اقدامات کیے جا رہے ہیں۔لیفٹیننٹ گورنر نے اس بات کا بھی اعادہ کیا کہ ٹریفک جام۔ قوانین کی خلاف ورزیوں اور تجاوزات سے نمٹنے کے لیے نمایاں پولیس موجودگی اور عوام کی فعال شرکت انتہائی اہم ہے۔ انہوں نے کہا کہ محفوظ۔ منظم اور بلا رکاوٹ آمدورفت ہر شہری کے معیار زندگی پر براہ راست اثر ڈالتی ہے اور دارالحکومت میں مؤثر ٹریفک انتظام کو یقینی بنانے پر کوئی سمجھوتہ نہیں کیا جائے گا۔