نئی دہلی:  دہلی میں تعمیراتی اور انہدامی کارروائی کرنے (سی اینڈ ڈی) کی سرگرمیوں کے مقامات سے پیدا ہونے والی دھول کو کم کرنے کے لیے، اب اینٹی اسموگ گنیں لگانا لازمی قرار دیا گیا ہے۔ ایئر کوالٹی مینجمنٹ کمیشن (سی اے کیو ایم) نے پیر کو ریاستی آلودگی کنٹرول بورڈ (ایس پی سی بی) اور دہلی آلودگی کنٹرول کمیٹی (ڈی پی سی سی) سے صورتحال کو بہتر بنانے کے لیے سخت اقدامات کرنے کو کہا کہ کمیشن کی حالیہ قانونی ہدایت کے مطابق، تمام سی اینڈ ڈی سائٹس کو تعمیراتی رقبے کے لحاظ سے درج ذیل پیرامیٹرز کے مطابق مناسب تعداد میں اینٹی اسموگ گنز تعینات کرنی چاہئیں۔

کمیشن نے کہا کہ 5000 - 10,000 مربع میٹر کے درمیان کل تعمیراتی رقبہ کے لیے کم از کم 10,001 1,- 15,000 مربع میٹر کے درمیان کل تعمیراتی رقبہ کے لیے کم از کم 2,15,001 - 20,000 مربع میٹر کے درمیان کل تعمیراتی رقبہ کے لیے کم از کم 2 اور کم از کم 4 ہونا چاہیے۔ 20,000 مربع میٹر سے زیادہ کے کل تعمیراتی علاقے کے لیے اسموگ گن ہونے چاہئیں۔

سی اینڈ ڈی سرگرمیوں کی دھول فضائی آلودگی کا ایک بڑا ذریعہ ہے اور این سی آر میں پی ایم2.5 اور پی ایم10 کی سطح میں اضافے کا ذمہ دار ہے۔ کمیشن نے سی اینڈ ڈی سائٹس پر پیدا ہونے والی دھول کی بڑی مقدار کو کم کرنے کے لیے پانی کے چھڑکاو¿، اینٹی اسموگ گنز، اسپرینکلرز کے استعمال کا مشورہ دیا ہے۔

جولائی میں، کمیشن نے دھول کو کم کرنے کے لیے سی اینڈ ڈی سرگرمیوں کے انتظام کے لیے ایک جامع پالیسی بنائی تھی، جس کے تحت اینٹی سموگ گنز کی تعیناتی بھی تجویز کی گئی تھی۔