میدینینگر
جھارکھنڈ کے ضلع پالامو میں جمعرات کے روز کوئلے سے لدی ایک مال گاڑی کے کم از کم 15 ڈبے پٹری سے اتر گئے۔ اس حادثے کے باعث ڈالٹن گنج اور گڑھوا روڈ جنکشن کے درمیان ٹرین سروس متاثر ہو گئی، ریلوے کے ایک افسر نے یہ معلومات دی۔
افسر نے بتایا کہ اس واقعے میں کسی جانی نقصان کی اطلاع نہیں ملی۔انہوں نے بتایا کہ یہ حادثہ ایسٹرن سنٹرل ریلوے (ای سی آر) کے دھنباد ڈویژن کے تحت راج ہرا اسٹیشن کے قریب اس وقت پیش آیا جب مال گاڑی کو اپ لائن پر موڑا جا رہا تھا۔
ریلوے کے مطابق مین ہیڈکوارٹر یا مرکزی اسٹیشن کی طرف جانے والی لائن کو "اپ لائن" اور وہاں سے واپس آنے والی لائن کو "ڈاؤن لائن" کہا جاتا ہے۔راج ہرا ریلوے اسٹیشن کے منیجر اندرجیت رام نے کہا کہ کوئلے سے لدی 15 بوگیاں پٹری سے اتر گئی ہیں، اور انہیں ہٹانے کا کام شروع کر دیا گیا ہے۔
ایسٹرن سنٹرل ریلوے کے دھنباد ڈویژن کے ایک افسر نے بتایا کہ اپ لائن پر راستہ تبدیل کرنے کے دوران مال گاڑی کی 15 بوگیاں پٹری سے اتر گئیں، جس کے باعث ڈالٹن گنج اور گڑھوا روڈ جنکشن کے درمیان ریلوے ٹریفک متاثر ہوئی۔
افسر کے مطابق اس حادثے کے بعد کئی ٹرینوں کے راستے تبدیل کیے گئے ہیں یا انہیں منسوخ کر دیا گیا ہے۔
.webp "جھارکھنڈ : مال گاڑی کے 15 ڈبے پٹری سے اتر گئے")
