نئی دہلی
سینٹرل بورڈ آف سیکنڈری ایجوکیشن (سی بی ایس ای) نے بدھ کے روز دسویں جماعت کے بورڈ امتحانات کے نتائج کا اعلان کر دیا، حکام نے اس کی تصدیق کی۔ایک سینئر بورڈ عہدیدار نے کہا کہ نتائج جاری کر دیے گئے ہیں۔سی بی ایس ای نے اس سال سے دسویں جماعت کے بورڈ امتحانات کے دو ایڈیشن شروع کیے ہیں۔ طلبہ کے لیے پہلے ایڈیشن میں شرکت لازمی تھی، اور اسی کے نتائج اب جاری کیے گئے ہیں۔
ایک بار پھر لڑکیوں نے لڑکوں کو پیچھے چھوڑ دیا ہے۔ بدھ کو جاری نتائج کے مطابق 93.70 فیصد طلبہ امتحان میں کامیاب رہے۔گزشتہ سال مجموعی کامیابی کی شرح 93.66 فیصد تھی۔
حکام کے مطابق 94.99 فیصد لڑکیوں نے امتحان پاس کیا، جو لڑکوں کے مقابلے میں 1.3 فیصد زیادہ ہے۔
ایک عہدیدار نے بتایا کہ کل 55,368 طلبہ نے 95 فیصد سے زیادہ نمبر حاصل کیے، جبکہ 22,15,574 طلبہ نے 90 فیصد سے زائد نمبر حاصل کیے ہیں۔ایک لاکھ 47 ہزار سے زائد امیدواروں کو ’کمپارٹمنٹ‘ زمرے میں رکھا گیا ہے۔ حکام کے مطابق اس سال یہ تعداد گزشتہ سال کے مقابلے میں قدرے کم ہے۔
اس بار 24.71 لاکھ سے زائد امیدوار امتحان میں شریک ہوئے، جو 8,074 مراکز پر منعقد کیا گیا تھا۔
