کولکتہ

کولکتہ کے نیتاجی سبھاش چندر بوس بین الاقوامی ہوائی اڈے پر ہفتہ کی صبح شیلانگ جانے والی ایک انڈیگو پرواز میں بم کی دھمکی کی اطلاع ملی۔ یہ بات کولکتہ ایئرپورٹ کے ڈائریکٹر نے بتائی۔

انڈیگو کی پرواز 6E3074، جو صبح 9:15 بجے کولکتہ سے شیلانگ کے لیے روانہ ہونے والی تھی، کو دھمکی آمیز پرچی ملنے کے بعد آئسولیشن بے میں منتقل کر دیا گیا۔ بورڈنگ کے دوران عملے کے ارکان کو طیارے کے ٹوائلٹ کمپارٹمنٹ میں ایک کاغذ ملا، جس پر لکھا تھا کہ طیارے میں بم موجود ہے۔ نوٹ ملتے ہی تمام مسافروں کو فوری طور پر طیارے سے اتار لیا گیا۔

این ایس سی بی آئی ایئرپورٹ کے ڈائریکٹر نے کہا كہ کولکتہ سے شیلانگ جانے والی انڈیگو پرواز 6E3074 میں بم کی دھمکی ملی ہے، جو صبح 9:15 بجے روانہ ہونے والی تھی۔ طیارے کو آئسولیشن بے میں منتقل کر دیا گیا ہے۔ بورڈنگ کے دوران عملے کو طیارے کے ٹوائلٹ میں ایک پرچی ملی، جس میں بم ہونے کا ذکر تھا۔ اس کے فوراً بعد مسافروں کو طیارے سے اتار لیا گیا۔ تلاشی کا عمل جاری ہے۔ فی الحال سیکیورٹی جانچ جاری ہے اور واقعے سے متعلق مزید معلومات کا انتظار کیا جا رہا ہے۔

گزشتہ ماہ 23 جنوری کو بھی دہلی سے پونے جانے والی انڈیگو پرواز 6E 2608 کو پونے ایئرپورٹ پر لینڈنگ کے بعد بم کی دھمکی ملی تھی۔ یہ دھمکی بھی طیارے کے ٹوائلٹ میں ملنے والی ایک ہاتھ سے لکھی پرچی کے ذریعے دی گئی تھی۔ ذرائع کے مطابق، طیارہ بحفاظت پونے ایئرپورٹ پر اترا اور تمام مسافروں کو محفوظ طریقے سے اتار لیا گیا۔

یہ پرواز رات 8:40 بجے پہنچنے والی تھی، لیکن 9:24 بجے لینڈ ہوئی اور 9:27 بجے بے نمبر 3 پر کھڑی کی گئی۔ بعد ازاں ایئر ٹریفک کنٹرول نے بم کی دھمکی کی اطلاع ایپرن کنٹرول کو دی۔ اس کے بعد طیارے کو آئسولیشن بے میں منتقل کیا گیا۔ ایپرن کنٹرول نے فوری طور پر تمام متعلقہ ایجنسیوں کو مطلع کیا اور بم تھریٹ اسیسمنٹ کمیٹی (بی ٹی اے سی) کا اجلاس بلایا گیا۔ جائزے کے بعد بم ڈٹیکشن اینڈ ڈسپوزل اسکواڈ (بی ڈی ڈی ایس) نے طیارے کی مکمل تلاشی لی۔

سیکیورٹی جانچ کے دوران کوئی مشتبہ یا خطرناک چیز برآمد نہیں ہوئی۔ تمام کارروائی مکمل ہونے کے بعد طیارے کو کلیئر کر کے معمول کی پروازوں کے لیے اجازت دے دی گئی۔ صورتحال کو مربوط اور بروقت انداز میں سنبھالا گیا اور کسی مزید واقعے کی اطلاع نہیں ملی۔