ای میل موصول ہوتے ہی ہائی کورٹ اور ضلعی عدالتوں کی عمارتوں سے عملے اور دیگر افراد کو جانچ کے لیے فوری طور پر باہر نکال لیا گیا۔ اس دھمکی کے بعد عدالتوں میں الرٹ کی کیفیت پیدا ہو گئی، جبکہ وکلا نے اپنی حفاظت سے متعلق خدشات کا اظہار کیا۔

 اوڈیشہ ہائی کورٹ کے سینئر ایڈووکیٹ پرفلا کمار ساہو نے بتایا کہ دھمکی آمیز ای میل کے بعد عدالتی کام ٹھپ ہو گیا ہے اور انہوں نے ہنگامی صورتحال میں ٹریفک انتظامات پر بھی تشویش ظاہر کی۔ انہوں نے کہا کہ اس سے کافی مشکلات پیدا ہو رہی ہیں۔ ہمارا کام رک گیا ہے اور یہ ایک سنگین معاملہ ہونے کے باوجود ہمیں تفتیش کی پیش رفت کے بارے میں کوئی معلومات نہیں ہیں۔ اگر یہاں بم ہوا تو بڑی تعداد میں کھڑی گاڑیوں کی وجہ سے عمارت خالی کرانا مشکل ہو سکتا ہے، جس سے ہنگامی حالت میں راستہ بنانا انتہائی دشوار ہو جائے گا۔ اس کے علاوہ یہاں ٹریفک کنٹرول بھی درست نہیں ہے، اس لیے سیکورٹی کو مزید سخت کیا جانا چاہیے۔