آواز دی وائس، نئی دہلی
نئی دہلی دہلی کے نائب وزیر اعلی منیش سسودیا نے بدھ کے روز کہا کہ وزیر اعلی اروند کیجریوال کی رہائش گاہ پر سماج دشمن عناصر نے حملہ کیا جس کی وجہ سے سی سی ٹی وی کیمرے اور سیکورٹی بیریئرس کو نقصان پہنچا۔
منیش سیسودیا نے ٹویٹ کیاکہ دہلی میں وزیر اعلی اروند کیجریوال جی کے گھر پر حملہ کرنے والے سماج دشمن عناصر نے سی سی ٹی وی کیمرے اور سکیورٹی بیریئرس کو توڑ دیا ہے۔
گیٹ پر لگائے گئے بوم بیریئر بھی توڑے گئے ہیں۔نائب وزیر اعلیٰ نے ٹویٹر پر دعویٰ کیا کہ جن لوگوں نے مسٹر کیجریوال کی رہائش گاہ پر توڑ پھوڑ کی ان کا تعلق بھارتیہ جنتا پارٹی (بی جے پی) سے ہے۔
केजरीवाल की हत्या करवाना चाहती है बीजेपी! https://t.co/JnhCi41Oee
— Manish Sisodia (@msisodia) March 30, 2022
انہوں نے ٹویٹ کیاکہ بی جے پی کے غنڈے وزیر اعلی کیجریوال کے گھر پر توڑ پھوڑ کرتے رہے۔ بی جے پی کی پولس انہیں روکنے کے بجائے گھر کے دروازے تک لے آئی۔
واضح ر ہے کہ بھارتیہ جنتا یوا مورچہ (بی جے وائی ایم) کے کارکنان مسٹر کیجریوال کے 'دی کشمیر فائلز پر بیان کے خلاف ان کی رہائش گاہ پر احتجاج کر رہے تھے۔
بی جے وائی ایم کے قومی سکریٹری تاجندر پال سنگھ بگا نے منگل کے روز ٹویٹر پر مظاہرے کی اطلاع دی ہے۔