نئی دہلی
ہندوستانی جنتا پارٹی (بی جے پی) کے صدر نتن نوین نے منگل کے روز ڈاکٹر شیاما پرساد مکھرجی کی 73ویں برسی پر انہیں خراجِ عقیدت پیش کرتے ہوئے ایک مضبوط قوم پرست اور عظیم مفکر قرار دیا۔مکھرجی کو خراجِ عقیدت پیش کرتے ہوئے نتن نوین نے کہا کہ آئین کے دفعہ 370 کی منسوخی جن سنگھ کے بانی شیاما پرساد مکھرجی کے لیے "حقیقی خراجِ عقیدت" ہے۔
واضح رہے کہ 5 اگست 2019 کو نریندر مودی کی قیادت والی حکومت نے آئین کی دفعہ 370 کو منسوخ کر دیا تھا، جس کے تحت سابق ریاست جموں و کشمیر کو خصوصی درجہ حاصل تھا۔شیاما پرساد مکھرجی کا 23 جون 1953 کو مشتبہ حالات میں سری نگر کی ایک جیل میں انتقال ہو گیا تھا۔ انہیں بغیر پرمٹ جموں و کشمیر میں داخل ہونے کے باعث گرفتار کیا گیا تھا۔
بی جے پی ہر سال 23 جون کو ان کی یاد میں "یومِ قربانی" مناتی ہے۔نتن نوین نے صحافیوں سے گفتگو کرتے ہوئے کہا کہ آج پوجیہ شیاما پرساد مکھرجی کی 73ویں برسی پر میں انہیں عقیدت کے ساتھ خراجِ عقیدت پیش کرتا ہوں۔ وہ ایک مضبوط قوم پرست اور عظیم مفکر تھے۔ وہ ملک کے پہلے وزیرِ صنعت بھی تھے۔ انہوں نے جو خواب دیکھا تھا اور جس مقصد کے لیے اپنی جان قربان کی، آج اس قربانی کی اہمیت ہم سب کے سامنے واضح طور پر نظر آتی ہے۔
بی جے پی ہیڈکوارٹر میں جن سنگھ کے رہنما کو پھولوں کی چادر پیش کرنے کے بعد انہوں نے کہا کہ میرا پختہ یقین ہے کہ وزیر اعظم نریندر مودی کی قیادت میں دفعہ 370 کی منسوخی شیاما پرساد مکھرجی کے لیے حقیقی خراجِ عقیدت ہے۔
.webp "نتن نوین نے شیاما پرساد مکھرجی کو خراج عقیدت پیش کیا")
