پٹنہ: الیکشن کمیشن (ای سی) نے منگل کے روز بہار قانون ساز کونسل کی نو نشستوں کے ضمنی و دو سالہ انتخابات کا شیڈول جاری کر دیا، جن میں وہ نشست بھی شامل ہے جو گزشتہ سال ریاستی اسمبلی کے انتخابات کے بعد نائب وزیر اعلیٰ سمراٹ چودھری کے استعفے سے خالی ہوئی تھی۔

الیکشن کمیشن نے سابق وزیر اعلیٰ نتیش کمار کی اُس نشست پر بھی ضمنی انتخاب کا اعلان کیا ہے جو انہوں نے راجیہ سبھا کے لیے منتخب ہونے کے بعد خالی کی تھی۔ نو نشستوں اور ضمنی انتخاب کے لیے پولنگ 18 جون کو ہوگی جبکہ اسی روز شام کو ووٹوں کی گنتی بھی کی جائے گی۔

پورا انتخابی عمل 20 جون تک مکمل کر لیا جائے گا۔ انتخابی شیڈول کے مطابق نوٹس 1 جون کو جاری کی جائے گی، جبکہ نامزدگی جمع کرانے کی آخری تاریخ 8 جون مقرر کی گئی ہے۔ کاغذاتِ نامزدگی کی جانچ 9 جون کو ہوگی اور امیدوار 11 جون تک اپنی نامزدگی واپس لے سکیں گے۔ وہ ایم ایل سیز جن کی مدت جون میں ختم ہو رہی ہے ان میں کُمود ورما، غلام غوث، محمد فاروق، بھیشم سہنی، سنجے پرکاش، سمیر کمار سنگھ اور سنیل کمار سنگھ شامل ہیں۔ شری بھگوان سنگھ کشواہا اور سمراٹ چودھری نے ریاستی اسمبلی کے لیے منتخب ہونے کے بعد اپنی نشستیں خالی کی تھیں۔