بہار کے انتخاب میں این ڈی اے نے بڑی جیت حاصل کی ہے، اور لگ رہا ہے کہ نتیش کمار پانچویں بار وزیرِ اعلیٰ بننے والے ہیں۔ اس الیکشن کو لوگ دو چیزوں کی آزمائش سمجھ رہے تھے—مودی کی مقبولیت اور نتیش کمار کے خلاف چل رہی ناراضی۔ لیکن لگتا ہے نتیش کی وزیراعلیٰ روزگار یوجنا نے کافی ووٹرز کو اپنی طرف کھینچ لیا۔

این ڈی اے میں بی جے پی، جے ڈی(U)، لوک جن شکتی پارٹی (رام ولاس)، ہم (سیکولر) اور راشٹریہ لوک مورچہ شامل تھے۔ دوسری طرف مہاگٹھ بندھن کھڑا تھا جس کی قیادت آر جے ڈی کے ہاتھ میں تھی، اس کے ساتھ کانگریس، مختلف کمیونسٹ پارٹیاں اور وی آئی پی پارٹی شامل تھیں۔

چلو اب دیکھتے ہیں کون جیتا، کون ہارا:

● تیجسوی یادو
راگھوپور سے آر جے ڈی کے تیجسوی نے ایک بار پھر جیت حاصل کی۔ وہ یہاں پہلے بھی دو بار بی جے پی کے ستییش کمار کو ہرا چکے تھے، اور اس بار بھی اچھی خاصی برتری سے آگے نکل گئے۔ ان کا یہ علاقہ ویسے بھی ان کے خاندان کا مضبوط گڑھ مانا جاتا ہے۔

● میتھلی ٹھاکر – سب سے کم عمر ایم ایل اے
صرف 25 سال کی گلوکارہ میتھلی ٹھاکر نے الی نگر سے بی جے پی کے ٹکٹ پر جیت کر سب کو حیران کر دیا۔ پہلی بار الیکشن لڑا اور سیدھی وِکٹری لے گئیں۔

● پرشانت کشور کی پارٹی کو بڑا جھٹکا
جن سوراج پارٹی ایک بھی سیٹ نہ جیت سکی۔ کشور نے خود تو الیکشن نہیں لڑا لیکن تقریباً سبھی حلقوں میں امیدوار کھڑے کیے تھے۔ لیکن نتیجہ صفر۔

● چراغ پاسوان کا ابھار
ایل جے پی (رام ولاس) نے شاندار کارکردگی دکھائی۔ آٹھ سیٹیں جیت لیں اور گیارہ پر آگے ہیں۔ چراغ نے کہا کہ سب نے انہیں کم سمجھا تھا، مگر عوام نے جواب دے دیا۔ وہ پُر اعتماد ہیں کہ نتیش ہی دوبارہ سی ایم ہوں گے۔

● بی جے پی کے دونوں ڈپٹی سی ایم کامیاب
سمراٹ چودھری نے تاراپور سے بڑی برتری سے جیتا۔
وجے سنہا پہلے پیچھے تھے مگر بعد میں لکھی سرائے سے جیت گئے۔

● تیج پرتاپ یادو کی بڑی ہار
مہوا سیٹ پر تیج پرتاپ تیسرے نمبر پر آئے۔ ایل جے پی(آر وی) کے سنجے کمار سنگھ نے بھاری مارجن سے کامیابی حاصل کی۔

● اننت سنگھ—جیل میں، مگر الیکشن جیت گئے
مکمہ سے اننت سنگھ نے جیل میں رہتے ہوئے بھی جیت حاصل کر لی۔ انہوں نے آر جے ڈی کی امیدوار وینا دیوی کو ہرایا۔