نئی دہلی،لکھنو:

یوپی میں 7 مرحلوں میں الیکشن پہلا مرحلہ 10 فروری پہلا مرحلہ 14 فروری تیسرا مرحلہ 20 فروری چوتھا مرحلہ 23 ​​فروری پانچواں مرحلہ 27 فروری چھٹا مرحلہ 3 مارچ ساتواں مرحلہ 7 مارچ کورونا کے دور میں ہونے والے پنجاب اسمبلی کے انتخابات ایک ہی مرحلے میں ہوں گے۔

الیکشن کمیشن نے ہفتہ کو پنجاب میں انتخابات کی تاریخوں کا اعلان کردیا۔ الیکشن کمیشن کے مطابق 14 فروری کو پنجاب کی تمام 117 نشستوں پر ایک ہی مرحلے میں ووٹ ڈالے جائیں گے۔ ریاستی نتائج کا اعلان 10 مارچ کو ووٹوں کی گنتی کے بعد کیا جائے گا۔

الیکشن کمیشن کے مطابق منی پور میں 60 سیٹوں کے لیے دو مرحلوں میں پولنگ ہوگی۔ منی پور میں پہلے مرحلے کی پولنگ 27 فروری اور دوسرے مرحلے کی پولنگ 3 مارچ کو ہوگی۔ نتائج کا اعلان 10 مارچ کو کیا جائے گا۔ ریاست میں انتخابی پروگرام سے متعلق تاریخوں کے اعلان کے بعد یہاں ماڈل ضابطہ اخلاق نافذ ہو گیا ہے۔

منی پور قانون ساز اسمبلی میں 60 سیٹیں ہیں اور اس وقت وہاں بی جے پی کی حکومت ہے۔ اتراکھنڈ میں 14 فروری کو ایک ہی مرحلے میں پولنگ ہوگی۔ نتائج 10 مارچ 2022 کو آئیں گے۔

انتخابات کی تاریخوں کے اعلان کے ساتھ ہی ریاست میں ماڈل ضابطہ اخلاق نافذ ہو گیا ہے۔ کورونا گائیڈ لائنز کے حوالے سے بھی خصوصی ہدایات دی گئی ہیں۔

گوا میں 14 فروری کو اسمبلی انتخابات کے لیے ووٹ ڈالے جائیں گے، نتائج 10 مارچ کو آئیں گے۔  

الیکشن کمیشن نے ہفتہ کو 5 ریاستوں میں اسمبلی انتخابات کی تاریخوں کا اعلان کیا۔ اتر پردیش، اتراکھنڈ، پنجاب، گوا اور منی پور میں 7 مرحلوں میں انتخابات ہوں گے۔ اس کی شروعات 10 فروری کو اتر پردیش سے ہوگی۔ انتخابات کے نتائج کا اعلان 10 مارچ کو کیا جائے گا۔

الیکشن کمیشن کے مطابق کل 18.34 ووٹرز، جن میں سے 8.5 کروڑ سے زیادہ خواتین ہیں، اپنا حق رائے دہی استعمال کر سکیں گے - مجموعی طور پر 1620 پولنگ اسٹیشنز کا آپریشن مکمل طور پر خواتین عملے کے ہاتھ میں ہوگا، سیکیورٹی اہلکار بھی خواتین ہوں گی۔

سول سروس افسران کو مرکزی مبصر کے طور پر تعینات کیا جائے گا۔

ضرورت پڑی تو خصوصی مبصر بھی تعینات کیے جائیں گے۔ الیکشن کمیشن کافی تعداد میں ای وی ایم اور وی وی پی اے ٹی کا انتظام کرے گا۔

الیکشن لڑنے والے امیدواروں کو آن لائن نامزدگی کا آپشن بھی ملے گا - پیسے کی طاقت اور سرکاری مشینری کے غلط استعمال کے حوالے سے کمیشن کی پالیسی زیرو ٹالرنس ہے -

مجموعی طور پر 900 مبصرین انتخابی عمل پر نظر رکھیں گے، ضرورت پڑنے پر خصوصی مبصر بھی تعینات کیے جائیں گے، الیکشن کمیشن پارٹیوں کو امیدواروں کے انتخاب سے 48 گھنٹے قبل معلومات اپ لوڈ کرنی ہوں گی، امیدوار کے خلاف کتنے فوجداری مقدمات زیر التوا ہیں، اسے امیدوار کیوں منتخب کیا گیا، یہ بتایں بتانی ہونگی۔

واضح رہے کہ گوا میں اسمبلی کی چالیس سیٹیں ہیں،جبکہ پنجاب میں 117,منی پور میں 60 اور اتراکھنڈ میں اسمبلی کے 71 پارلیمانی حلقے ہیں۔ ملک کی سب سے بڑی ریاست اترپردیش میں اسمبلی کی 403 سیٹیں ہیں۔

الیکشن کمیشن ان ریاستوں میں الیکشن کی تیار کے سلسلے میں پچھلے کئی دنوں سے مرکز اور ریاستی حکومت کے افسروں اور سیاسی پارٹیوں کے نمائندوں کے ساتھ غور و خوض کا عمل پورا کرچکا ہے۔ ان ریاستوں کی ووٹرلسٹ کا مختصر جائزہ لیا جا چکا ہے۔ کمیشن نے ریاستوں سے الیکشن ڈیوٹی پر لگائے جانے والے ملازمین کی مکمل ٹیکہ کاری پر زور دیا ہے۔