بِسواناتھ

وزیر اعظم نریندر مودی نے بدھ کے روز کہا کہ آسام نے گزشتہ ایک دہائی میں نمایاں تبدیلی دیکھی ہے اور بہتر رابطہ و بنیادی ڈھانچے نے ریاست کے بارے میں لوگوں کی سوچ بدل دی ہے۔

بِسواناتھ میں ایک عوامی ریلی سے خطاب کرتے ہوئے وزیر اعظم نے کہا کہ جہاں پہلے لوگ پسماندگی دیکھ کر حیران رہ جاتے تھے، آج وہ ریاست کی ترقی دیکھ کر خوشگوار حیرت میں مبتلا ہوتے ہیں۔ انہوں نے بنیادی ڈھانچے میں پیش رفت کا ذکر کرتے ہوئے کہا کہ آسام کی شاہراہیں اب لڑاکا طیاروں کی لینڈنگ کے قابل ہو گئی ہیں، جو تیز رفتار ترقی کی علامت ہے۔

مودی نے کہا کہ 10 سال پہلے جب کوئی آسام آتا تھا تو یہاں کی پسماندگی دیکھ کر حیران رہ جاتا تھا، لیکن آج آسام کی کنیکٹیویٹی دیکھ کر لوگوں کو خوشی ہوتی ہے۔ ابھی کچھ دیر پہلے دنیا نے آسام کی ان شاہراہوں کو بھی دیکھا جہاں لڑاکا طیارے اتر رہے ہیں۔

وزیر اعظم نے کہا کہ بھارتیہ جنتا پارٹی ریاست میں سیلاب اور زمین کے کٹاؤ جیسے بڑے مسائل کو حل کرنے کے لیے کام کر رہی ہے۔ انہوں نے بتایا کہ اس مقصد کے لیے سینکڑوں کروڑ روپے کے منصوبے جاری ہیں اور مزید 18,000 کروڑ روپے خرچ کرنے کی تجویز دی گئی ہے۔

انہوں نے کہا کہ بی جے پی آسام کے ایک اور بڑے مسئلے، یعنی سیلاب اور زمین کے کٹاؤ کو حل کرنے کے لیے ایماندارانہ کوشش کر رہی ہے۔ اس کے لیے اس وقت سینکڑوں کروڑ روپے کے منصوبوں پر کام جاری ہے اور مزید 18,000 کروڑ روپے خرچ کیے جائیں گے۔

خواتین کو بااختیار بنانے پر بات کرتے ہوئے مودی نے کہا کہ گزشتہ 10-11 برسوں میں خواتین کی سلامتی، آمدنی اور تعلیم کے میدان میں نمایاں کام ہوا ہے۔ انہوں نے بتایا کہ ‘لکھ پتی دیدی’ مہم کے تحت آسام میں لاکھوں خواتین مالی طور پر خودمختار ہو چکی ہیں اور مستقبل میں اس تعداد کو 40 لاکھ تک پہنچانے کا ہدف ہے۔

انہوں نے کہا کہ گزشتہ برسوں میں خواتین کی حفاظت، آمدنی اور تعلیم کے شعبوں میں بے مثال کام ہوا ہے۔ لکھ پتی دیدی ابھیان کے تحت لاکھوں بہنیں خود کفیل بنی ہیں اور ہم آنے والے وقت میں 40 لاکھ بہنوں کو لکھ پتی دیدی بنانے کا عزم رکھتے ہیں۔نوجوانوں کے کردار پر زور دیتے ہوئے وزیر اعظم نے کہا کہ سڑکوں، پلوں اور جدید ریلوے کنیکٹیویٹی کی ترقی سے زراعت، صنعت اور سیاحت کو فروغ ملے گا، جس سے روزگار کے مواقع پیدا ہوں گے۔

انہوں نے کہا کہ نوجوانوں کا ایک ترقی یافتہ آسام کی تعمیر میں بہت بڑا کردار ہے۔ اس کے لیے بہتر سڑکیں، پل اور جدید ریلوے نظام ضروری ہے، جس سے زراعت، صنعت اور سیاحت کو بھی فائدہ ہوگا اور روزگار کے مواقع بڑھیں گے۔

ایک بڑے بنیادی ڈھانچے کے منصوبے کا اعلان کرتے ہوئے مودی نے کہا کہ مرکزی حکومت نے دریائے برہم پتر کے نیچے زیرِ آب سرنگ کی تعمیر کو منظوری دے دی ہے، جس پر تقریباً 18,500 کروڑ روپے خرچ ہوں گے۔انہوں نے کہا کہ اب میں آپ کو ایک اور خوشخبری دینا چاہتا ہوں۔ آپ نے شاہراہوں پر لڑاکا طیاروں کو اترتے دیکھا ہے، اب گاڑیاں برہم پتر کے پانی کے نیچے سے گزریں گی۔ دریا اوپر بہے گا اور گاڑیاں نیچے چلیں گی۔ اس منصوبے پر تقریباً 18,500 کروڑ روپے خرچ ہوں گے۔

انہوں نے کہا کہ اس منصوبے سے نومالی گڑھ اور گوہ پور کے درمیان فاصلہ کم ہوگا، آسام اور پورے شمال مشرق میں رابطہ بہتر ہوگا اور تعمیر کے دوران روزگار کے مواقع بھی پیدا ہوں گے۔انہوں نے کہا کہ یہ سرمایہ کاری آسام میں ہوگی اور اس کا فائدہ وہیں کے لوگوں کو ملے گا۔ منصوبہ مکمل ہونے کے بعد نومالی گڑھ اور گوہ پور کے درمیان فاصلہ کم ہوگا اور پورے شمال مشرق میں کنیکٹیویٹی بہتر ہوگی۔ اس کے ساتھ ہی تعمیر کے دوران بھی بڑی تعداد میں روزگار پیدا ہوگا۔

ریاست کی 126 اسمبلی نشستوں کے لیے ووٹنگ 9 اپریل کو ایک ہی مرحلے میں ہوگی، جبکہ ووٹوں کی گنتی 4 مئی کو کی جائے گی۔ آسام میں اس بار برسر اقتدار بی جے پی کی قیادت والے این ڈی اے اور کانگریس کے درمیان سخت مقابلہ ہوگا۔بی جے پی یہ انتخاب آسام گن پریشد (اے جی پی) اور بوڈولینڈ پیپلز فرنٹ (بی پی ایف) کے ساتھ مل کر لڑ رہی ہے۔

این ڈی اے مسلسل تیسری بار اقتدار حاصل کرنے کی کوشش کرے گا، جبکہ کانگریس حکمراں جماعت کو شکست دے کر دوبارہ اقتدار میں واپس آنے کی امید رکھتی ہے۔