نئی دہلی:آشیانہ ہاو سنگ لمیٹڈنے بھیواڑی میں اپنا سالانہ نواں جشن انتہائی جوش و خروش کے ساتھ منایا اس میں بزرگ شہریوں نے بڑھ چڑھ کر حصہ لیا اس موقع پر آشیانہ ہاو سنگ کے جوائنٹ منیجنگ ڈائریکٹرمسٹر انکر گپتانےاس جشن کی تقریب کے لیے بزرگوں کی لگن اور جوش و خروش پراظہارمسرت کیا انہوں نے مزید کہاکہ یہ میلہ ایک ایسا ایونٹ ہے جس کا میں ہر سال منتظر رہتا ہوں۔ یہ مجھے اپنے رہائشیوں کے ساتھ بات چیت کرنے اور ان کی غیر معمولی پرفارمنس دیکھنے کا موقع فراہم کرتا ہے، جو ہمیشہ شاندار رہتی ہیں۔ انہوں نے مزید کہا کہ مختلف مقامات پر منعقد ہونے والے کوالیفائنگ مقابلوں کے دوران اعلیٰ سطح کی شرکت دیکھی گئی جس کی وجہ سے تنظیم نے انہیں باقاعدہ ایونٹس میں شامل کرنے پر اکسایا۔

انہوں نے مزید کہا، ”ہماری ٹیم سب کو جمع کرنے اور اسے کامیاب بنانے کی بہت زیادہ کوششیں کرتی ہے اور مجھے ان پر بہت فخر ہے۔“آشیانہ نے کھیلوں اور ثقافتی نمائش ”جشن“کی میزبانی کی۔ تقریباً 16 انعقادات میں بھیواڑی، لاواسا-پونے، چنئی اور جے پور میں آشیانہ کی سینئر لیونگ کمےونٹی کے 173 بزرگ شہریوں نے شرکت کی۔

اس تصور کے برعکس کہ بزرگ شہری سست زندگی گزارتے ہیں، آشیانہ ہاو سنگ کے بزرگوں نے اس تقریب کے دوران انتہائی جوش و خروش کا مظاہرہ کےا۔ انہوں نے تخلیقی اور ثقافتی سرگرمیوں جیسے پوسٹر سازی، گیت، رقص اور ریمپ واک کے علاوہ سائیکلنگ، واکنگ، ٹیبل ٹینس، بیڈمنٹن، سوڈوکو اور شطرنج کے ٹورنامنٹس جیسی دلچسپ کھیلوں کی سرگرمیوں میں حصہ لیا۔

24تا26 فروری کو منعقد ہونے والی اس تقریب کا موضوع ”مائی گلیمرس لائف امکیتا“ تھا۔ اسے فعال لوگوں نے زندہ کیا ۔انھوں نے بے پناہ جوش و خروش کے ساتھ ریمپ پر واک کیا، یہ ظاہر کرتے ہوئے کہ زندگی کے کسی بھی مرحلے میں کیوں نہ ہوں، وہ اپنے خوابوں کو جذبے اور عزم کے ساتھ جی سکتے ہیں۔

بزرگ رہائشی ایسی تقریب میں شرکت کر کے بہت مسرور تھے اور اپنی ریٹائرمنٹ کے بعد کی زندگی کو یاد کر رہے تھے۔ انہوں نے اپنے تجربات، یادگار لمحات اور مہارتیں بتائیں۔شرکاءمیں سے ایک نے جشن کو سراہا اور بزرگ شہریوں کو زندگی سے بھرپور لطف اندوز ہونے کے لیے ایک پلیٹ فارم فراہم کرنے کی اہمیت کو اجاگر کیا۔ انہوں نے زور دے کر کہا کہ”جشن“جیسے پروگرام ہمیں یاد دلاتے ہیں کہ ہم تفریح اور نئی یادیں بنانے کے لیے کبھی بھی پرانے نہیں ہوتے۔“

خیال رہے کہ آشیانہ ہاو سنگ لمیٹڈکوٹریک 2 ریئلٹی کے ذریعہ مسلسل 6ویں سال سینئر رہائشی جگہوں میں نمبر 1 کا درجہ دیا گیا ہے- فوربز کے ذریعہ ایشیا کے 200 بہترین انڈر اے بلین (2010 اور 2011) میں سے ایک کے طور پر تسلیم کیا گیا، آشیانہ ہاو سنگ ایک درمیانی آمدنی والا ہاو سنگ ڈیولپر ہے جس نے اپنے 50+ پروجیکٹس میں سینئر رہنے، پریمیم ہومز اور بچوں پر مرکوز کی جگہ پر پریمیم گھر بنائے ہیں۔ کمپنی کی بنیادی توجہ کفایتی قیمتوں پر طرز زندگی کی پیشکش پرمرکوز ہے۔