نئی دہلی/ آواز دی و ائس

قومی تفتیشی ایجنسی  نے جمعرات کو بتایا کہ بہار میں 2024 کے اسلحہ اسمگلنگ کیس میں ایک ملزم کے ٹھکانے پر چھاپوں کے دوران اسلحہ، گولہ بارود اور قابل الزمہ مواد کا ایک نیا ذخیرہ برآمد کیا گیا ہے۔ چھاپہ بدھ کو بہار کے ویشالی ضلع میں سندیپ کمار سنہا عرف چھوٹو لالا کے گھر پر مارا گیا۔

این آئی اے کے مطابق، کارروائی کے دوران ایک 9 ملی میٹر پستول، 18 لائیو 9 ملی میٹر کارتوس، دو پستول میگزین، ایک ڈبل بیریل 12 بور گن، 35 لائیو 12 بور کارتوس اور 4.21 لاکھ روپے نقد برآمد کیے گئے۔ افسران نے بتایا کہ سنہا مرکزی ملزم وکاش کمار کا قریبی ساتھی اور اس کیس سے متعلق اسلحہ اسمگلنگ کے نیٹ ورک کا فعال رکن ہے۔ یہ کیس ابتدائی طور پر بہار پولیس نے  اے کے -47 رائفل اور لائیو گولہ بارود برآمد ہونے کے بعد درج کیا تھا۔

اگست 2024 میں این آئی اے نے اس تفتیش کو اپنے حوالے کیا، جو ناگالینڈ سے بہار میں اسلحہ اور گولہ بارود کی غیر قانونی اسمگلنگ سے متعلق ہے۔ تفتیش کے دوران، این آئی اے نے اب تک چار ملزمان وکاش کمار، ستیہم کمار، دیومانی رائے عرف انیش، اور محمد احمد انصاری—کو گرفتار اور چارج شیٹ کیا ہے۔ ایک اور ملزم منجور خان حال ہی میں گرفتار ہوا اور فی الحال پٹنہ کی بیور جیل میں قید ہے۔ این آئی اے نے کہا کہ ریاستی سرحدوں کے پار اسلحہ اسمگلنگ کے اس پورے نیٹ ورک کو بے نقاب کرنے کے لیے مزید تحقیقات جاری ہیں۔