بیجنگ

وکرم دورائی سوامی نے پیر کے روز مہاتما گاندھی کو خراجِ عقیدت پیش کر کے چین میں ہندوستان کے سفیر کے طور پر اپنا عہدہ سنبھال لیا۔ بیجنگ میں قائم ہندوستانی سفارت خانے نے بتایا کہ انہوں نے رابندرناتھ ٹیگور کو بھی خراجِ عقیدت پیش کیا۔ وکرم دورائی سوامی نے آج چاؤیانگ پارک میں واقع جنتائی آرٹ میوزیم میں مہاتما گاندھی کو خراجِ عقیدت پیش کر کے چین میں ہندوستان کے سفیر کے طور پر اپنا عہدہ سنبھالا۔ اس موقع پر میوزیم کے کیوریٹر مسٹر یوان زیکن بھی ان کے ساتھ موجود تھے۔ سفیر نے سفارت خانے میں گرو دیو رابندرناتھ ٹیگور کو بھی خراجِ عقیدت پیش کیا۔

اتوار کو بیجنگ پہنچنے پر دورائی سوامی کا استقبال چارج ڈی افیئرز اینجلین پریملتا اور وزارتِ خارجہ (ایم ایف اے ) کے ایشیا شعبے کے نائب ڈائریکٹر لی جیانبو نے کیا۔ دورائی سوامی نے گزشتہ ہفتے کے آغاز میں ہی صدر دروپدی مرمو سے چین میں ہندوستان کے سفیر کے طور پر اپنی تقرری کے لیے ضروری اسناد (کریڈینشلز) حاصل کیے تھے۔ ایکس  پر ایک پوسٹ میں، چین میں قائم ہندوستانی سفارت خانے نے کہا کہ مسٹر وکرم دورائی سوامی نے عوامی جمہوریہ چین میں سفیر کے طور پر اپنی ذمہ داریوں کے لیے ہندوستان کی معزز صدر سے اسناد حاصل کیں۔

جمعرات کو دورائی سوامی نے تھل سینا کے سربراہ جنرل اُپیندر دویدی سے ملاقات کی اور ہندوستان-چین تعلقات میں جاری حساسیت کے پیشِ نظر جغرافیائی و تزویراتی امور، دوطرفہ روابط اور موجودہ نظام کو مزید مضبوط بنانے کے طریقوں پر تبادلۂ خیال کیا۔ اے ڈی جے پی آئئی نے بھی ایکیس  پر پوسٹ کرتے ہوئے کہا کہ عوامی جمہوریہ چین میں ہندوستان کے نامزد سفیر وکرم کے دورائی سوامی نے چیف آف آرمی اسٹاف جنرل اُپیندر دویدی سے ملاقات کی۔ اس گفتگو کا محور موجودہ جغرافیائی و تزویراتی مسائل، دوطرفہ روابط اور موجودہ نظام کو مزید مستحکم بنانے کے اقدامات تھے۔یہ پیش رفت اس وقت سامنے آئی جب وزیرِ دفاع راجناتھ سنگھ نے منگل کو بشکیک میں منعقدہ شنگھائی تعاون تنظیم کے وزرائے دفاع اجلاس کے دوران اپنے چینی ہم منصب ایڈمرل ڈونگ جون سے ملاقات کی۔

سنگھ نے X پر لکھا کہ بشکیک میں  ایس سی او وزرائے دفاع اجلاس کے دوران چین کے وزیرِ دفاع ایڈمرل ڈونگ جون سے ملاقات کر کے مجھے خوشی ہوئی۔چین کے ساتھ تعلقات کو مزید مضبوط بنانے کے مقصد سے، وزارتِ خارجہ کے سکریٹری (مغرب) سبی جارج نے بدھ کو چین کے موسمیاتی تبدیلی کے خصوصی نمائندے لیو ژین من کے ساتھ عالمی موسمیاتی ایجنڈے پر تبادلۂ خیال کیا۔ وزارتِ خارجہ کے سرکاری ترجمان رندھیر جیسوال نے کہا کہ ہندوستان عالمی موسمیاتی اقدامات کو آگے بڑھانے میں فعال کردار ادا کرنے کے لیے تیار ہے۔

X پر ایک پوسٹ میں جیسوال نے کہا، “سکریٹری (مغرب) سبی جارج نے چین کے موسمیاتی تبدیلی کے خصوصی نمائندے لیو ژین من سے ملاقات کی اور عالمی موسمیاتی ایجنڈے پر خیالات کا تبادلہ کیا۔ ہندوستان پوری طرح سے وابستہ ہے اور عالمی موسمیاتی اقدامات کو آگے بڑھانے میں ایک مثبت اور فعال کردار ادا کرتا رہے گا، جس میں یو این ایف سی سی اور اس کے پیرس معاہدے کے تحت کثیر الجہتی موسمیاتی عمل بھی شامل ہے۔

ایکس  پر ایک پوسٹ میں انہوں نے کہا کہ مشرقِ وسطیٰ کے معاملے پر چینی حکومت کے خصوصی نمائندے ژائی جون نے جمعرات کو نئی دہلی میں ہندوستان کی وزارتِ خارجہ کی سکریٹری (جنوب) نینا ملہوترا سے ملاقات کی۔ چین اور ہندوستان دونوں بڑے ترقی پذیر ممالک ہیں اور انہوں نے اہم بین الاقوامی اور علاقائی مسائل پر مسلسل مکالمہ جاری رکھا ہے۔