نئی دہلی: آل انڈیا صوفی سجادہ نشین کونسل کے چیئرمین اور درگاہ اجمیر کے روحانی سربراہ کے جانشین سید ناصرالدین چشتی نے ہفتہ کے روز مرکزی وزیر کرن رجیجو سے ان کی رہائش گاہ پر ملاقات کی سید ناصرالدین چشتی نے ایکس پر بتایا کہ یہ ملاقات نہایت مفید رہی جس میں صوفی تہذیب و روایات کے شاندار ورثے پر گفتگو ہوئی اور سماج میں امن بھائی چارے اور باہمی ہم آہنگی کے فروغ میں درگاہوں کے اہم کردار پر تفصیل سے تبادلہ خیال کیا گیا

اس سے قبل جمعہ کے روز کرن رجیجو نے اعلان کیا تھا کہ صدر جمہوریہ دروپدی مرمو نے بجٹ اجلاس 2026 کے لیے پارلیمنٹ کے دونوں ایوانوں کے انعقاد کی منظوری دے دی ہے جو 28 جنوری سے شروع ہوگا انہوں نے بتایا کہ اجلاس کا پہلا مرحلہ 13 فروری کو ختم ہوگا اور پارلیمنٹ 9 مارچ کو دوبارہ جمع ہوگی جبکہ بجٹ اجلاس 2 اپریل 2026 تک جاری رہے گا بجٹ اجلاس پارلیمنٹ کا سال کا پہلا اجلاس ہوتا ہے جس کا آغاز صدر جمہوریہ کے مشترکہ خطاب سے ہوتا ہے اور اسے عام طور پر دو حصوں میں تقسیم کیا جاتا ہے تاکہ متعلقہ قائمہ کمیٹیاں مختلف وزارتوں کے مطالبات برائے گرانٹس کا جائزہ لے سکیں