جموں
جموں میں پاکستان انٹرنیشنل ایئرلائنز (پی آئی اے) لکھا ہوا ایک غبارہ ملا ہے، جسے پولیس نے ضبط کر لیا ہے۔ یہ غبارہ جموں کے فالین منڈل علاقے سے برآمد ہوا۔ غبارے پر انگریزی اور اردو دونوں زبانوں میں پی آئی اے تحریر ہے۔
اس سے قبل، جمعہ کے روز جموں و کشمیر میں سیکیورٹی اہلکاروں نے پونچھ ضلع کے گلپور سیکٹر میں لائن آف کنٹرول (ایل او سی) کے قریب ایک مشتبہ ڈرون دیکھا، جس پر چند راؤنڈ فائرنگ کی گئی۔ تاہم بغیر پائلٹ کے اڑنے والے اس فضائی آلے کو مار گرایا نہیں جا سکا۔
حکام کے مطابق، یو اے وی بعد میں گلپور کے سریاں گاؤں کی جانب بڑھا اور مبینہ طور پر ایل او سی کے دوسری طرف داخل ہو گیا۔ ایک افسر نے بتایا کہ سیکیورٹی فورسز نے اس سیکٹر میں نگرانی سخت کر دی ہے۔ اس بات کو یقینی بنانے کے لیے علاقے میں سرچ آپریشن شروع کیا گیا ہے کہ کہیں اس کے ذریعے ہتھیار یا منشیات کی ایئر ڈراپنگ تو نہیں کی گئی۔
۔14 فروری کو گرایا گیا تھا ڈرون
اس ماہ کے آغاز میں، 14 فروری کو جموں و کشمیر پولیس اور بارڈر سیکیورٹی فورس (بی ایس ایف) نے ایک مشترکہ کارروائی کے دوران جموں کے آر ایس پورہ سیکٹر میں بین الاقوامی سرحد کے قریب ایک ڈرون کے ذریعے گرائی گئی تقریباً 6 کلوگرام منشیات برآمد کی تھیں، جن کی مالیت تقریباً 40 کروڑ روپے بتائی گئی۔
.gif)
