ممبئی/ آواز دی وائس

ریئلٹی شو بگ باس 19 سے باہر ہونے کے بعد رائٹر اور اداکار ذیشان قادری نے شو کے اندر اپنے تجربے پر کھل کر بات کی، خاص طور پر اپنی ساتھی مقابلہ کار تانیا متل کے ساتھ تعلقات کے بارے میں۔ اپنے رشتے پر گفتگو کرتے ہوئے ذیشان قادری نے کہا کہ ان دونوں کے درمیان ایک "استاد اور شاگرد" جیسا تعلق تھا۔ ساتھ ہی انہوں نے بتایا کہ گھر کے اندر تانیا کو "جھوٹا" قرار دیے جانے کے معاملے پر انہوں نے اسے کچھ مشورے بھی دیے تھے۔

تانیا کے جھوٹ بولنے کے الزامات پر ذیشان قادری کا ردعمل

 ایک انٹرویو میں ذیشان قادری  نے ان افواہوں پر ردعمل ظاہر کیا جن میں کہا گیا تھا کہ تانیا بار بار جھوٹ بولتی ہے۔ ذیشان نے کہا کہ جو لوگ یہ دعویٰ کر رہے ہیں کہ وہ جھوٹ بول رہی ہے، وہ حقیقت دیکھ رہے ہیں اور سمجھ رہے ہیں۔ اسی لیے وہ فیصلہ کر سکتے ہیں کہ وہ سچ بول رہی ہے یا جھوٹ۔ جب میں بگ باس کے گھر میں تھا تو میرے اور تانیا کے درمیان بہت اچھا تعلق تھا۔ جب مجھے 103 ڈگری بخار تھا تو تانیا اور شہباز دونوں نے میرا بہت خیال رکھا۔ میرے اور تانیا کے درمیان ایک ذاتی گرو-شاگرد جیسا رشتہ تھا، اور کبھی کبھار میں اسے چھیڑتا بھی تھا۔

گفتگو کے دوران ذیشان قادری نے شو کے کچھ جذباتی لمحات کو بھی یاد کیا۔ انہوں نے بتایا کہ کبھی کبھار تانیا ان کے پاس آتی، ان کے کندھے پر سر رکھ کر روتی تھی۔ ایک موقع پر تانیا نے کہا کہ یہ رشتہ یک طرفہ لگتا ہے اور شکایت کی کہ ذیشان قادری ان کے ساتھ بہن جیسا سلوک نہیں کرتے۔  انہوں نے مزید بتایا کہ میں نے تانیا سے کہا کہ وہ باہر جا کر کھل کر بولے۔ میں نے اسے سمجھایا کہ جو کچھ تم اندر کہوگی، چاہے سچ ہو یا جھوٹ، اس کا جواب تمہیں میڈیا اور باہر کی دنیا کو دینا ہوگا۔

اپنے ایوِکشن کے بعد کی صورتحال پر بات کرتے ہوئے ذیشان قادری نے بتایا کہ جب وہ شو سے باہر نکلے تو تانیا ان سے نہیں ملیں، جس سے انہیں مایوسی ہوئی۔  دوسری جانب، ناظرین نے بھی مشاہدہ کیا کہ ذیشان قادری کے جانے کے بعد گھر کے اندر موجود ایک مضبوط گروپ میں دراڑ پڑ گئی۔