ممبئی
ہدایت کار آدتیہ دھر کی فلم "دھرندھر 2" کو لے کر شائقین میں کافی جوش و خروش دیکھا جا رہا ہے۔ اس فلم کے پہلے حصے نے ریلیز کے پہلے دن ہندوستان میں صرف 28 کروڑ روپے کی کمائی کی تھی، لیکن "دھرندھر 2" کے بارے میں اندازہ لگایا جا رہا ہے کہ یہ فلم پہلے دن 90 سے 100 کروڑ روپے تک کا بزنس کر سکتی ہے۔
اس کی ایک بڑی وجہ یہ ہے کہ فلم ایڈوانس بکنگ میں بہت اچھی کارکردگی دکھا رہی ہے اور مسلسل اس کے ٹکٹ بک ہو رہے ہیں۔ فلم کا جنون شائقین کے سر چڑھ کر بول رہا ہے۔ یہی وجہ ہے کہ ریلیز سے پہلے ہی اس فلم نے 119 کروڑ روپے سے زیادہ کی کمائی اپنے نام کر لی ہے۔
کل پری سیلز کلیکشن
اب تک پری سیلز کے ذریعے اس فلم نے مجموعی طور پر 119.81 کروڑ روپے کا بزنس کر لیا ہے۔ ابھی فلم کی ریلیز میں تین دن باقی ہیں اور ٹکٹوں کی بکنگ کا سلسلہ بدستور جاری ہے۔ ایسے میں آنے والے تین دنوں میں فلم مزید کیا ریکارڈ قائم کرتی ہے، یہ دیکھنا دلچسپ ہوگا۔
"دھرندھر 2" کا رن ٹائم
فلم "دھرندھر 2" اپنے پہلے حصے کے مقابلے میں زیادہ طویل ہے۔ پہلے حصے کا رن ٹائم 3 گھنٹے 32 منٹ تھا، جبکہ دوسرے حصے کا رن ٹائم 3 گھنٹے 55 منٹ رکھا گیا ہے۔7 مارچ کو اس فلم کا ٹریلر جاری کیا گیا تھا جسے شائقین نے بہت پسند کیا۔ ٹریلر کے بعد سے ہی مداح اس فلم کے لیے اور بھی زیادہ پرجوش نظر آ رہے ہیں۔ اب دیکھنا یہ ہوگا کہ ریلیز کے بعد یہ فلم باکس آفس پر کیسا کمال دکھاتی ہے۔
واضح رہے کہ اس فلم کے پہلے حصے نے دنیا بھر میں تقریباً 1300 کروڑ روپے کی کمائی کی تھی۔
.webp "فلم دھورندھر 2 كی دھوم، ریلیز سے پہلے ہی 119 کروڑ روپے کمائے")
.gif)
