شارجہ : بالی وڈ کے معروف سٹار شاہ رخ خان نے شارجہ کے انٹرنیشنل بُک فیسٹیول میں شرکت کی ہے۔ ہزاروں شائقین کی موجودگی میں انہوں نے آرٹ اور تخلیق کی اہمیت کے حوالے سے کہا کہ ’معاشرے میں آرٹ اور تخلیق کا کردار کلیدی ہے۔‘ الامارات الیوم کے مطابق شاہ رخ خان نے کانفرنس ہال میں شائقین سے خطاب میں کہا کہ ’آرٹ اور تخلیق کے بل پر ہم اپنے تمام اختلافات سے اوپر اٹھ سکتے ہیں۔
ہمیں انسانوں کو جوڑنے والی اقدار کی قدرو منزلت کرنا ہوگی۔‘ ’سنیما اور شارجہ بُک فیسٹیول جیسی سرگرمیوں کے ذریعے ہمیں اپنی شناخت متعین کرنے والی باتوں کا انتخاب کرنا ہوگا۔ ہمیں اس دنیا کی تشکیل میں موثر کردار ادا کرنے والے عناصر کو اپنانا ہوگا جنہیں ہم مستقبل میں دیکھنا چاہتے ہیں۔‘
Bollywood star Shah Rukh Khan inspired the audience with his speech. He spoke about the fact that the word, and events such as the SIBF, are the cornerstones on which bridges that connect the cultures of the world will be built.⠀
— Sharjah Book Authority (@SharjahBookAuth) November 12, 2022
⠀#SIBF22
pic.twitter.com/pOpklJb0g1