ممبئی/ آواز دی وائس
کاجول اور ٹوئنکل کھنہ پہلی بار ایک ساتھ کو-ہوسٹ کے طور پر ناظرین کے سامنے آئیں گی۔ یہ شو پرائم ویڈیو کے نئے ٹاک شو "ٹو مچ وِد کاجول اینڈ ٹوئنکل" کے لیے ہے۔ یہ ان اسکرپٹڈ سیریز بنجائے ایشیا کے پروڈکشن میں بنائی جا رہی ہے، جس میں ہندوستانی سینما کی چند بڑی شخصیات شامل ہوں گی۔ ناظرین کو اس شو میں ہلکی پھلکی بات چیت، بے تکلف لمحے اور خوب مزاح دیکھنے کو ملے گا، کیونکہ دونوں میزبان اپنی متضاد مگر ایک دوسرے کو مکمل کرنے والی شخصیات کے ساتھ اسکرین پر آئیں گی۔
شو کے بارے میں بات کرتے ہوئے نکھل مدھو، ڈائریکٹر اور ہیڈ آف اوریجنلز، پرائم ویڈیو انڈیا نے کہا کہ یہ شو روایتی سیلیبریٹی چیٹ سے آگے جائے گا اور ناظرین کو خود رو اور تفریحی گفتگو فراہم کرے گا۔ انہوں نے کہا کہ اسٹارز سے سجی مہمانوں کی فہرست اور تازہ، بے ساختہ اور دلچسپ گفتگو ٹو مچ وِد کاجول اینڈ ٹوئنکل عام سیلیبریٹی بات چیت سے ہٹ کر، ناظرین کو مزاح، صاف گوئی اور شرارت سے بھرپور لمحے فراہم کرے گا۔
بنجائے ایشیا اور اینڈمول شائن انڈیا کی گروپ چیف ڈویلپمنٹ آفیسر مرنالنی جین نے کہا کہ ٹو مچ کا فوکس کاجول اور ٹوئنکل پر ہے ۔ نہ صرف میزبان کے طور پر بلکہ ایسی خواتین کے طور پر جن کی الگ پہچان، تجسس بھرا ذہن اور تیز فہم ہے۔ یہ شو اس بارے میں ہے کہ وہ کیا پوچھنا چاہتی ہیں، کس چیز کی پرواہ کرتی ہیں اور کیسے سامنے آتی ہیں ۔ بے فلٹر، مزاحیہ اور دیانتدارانہ انداز میں۔ کچھ بڑی شخصیات پہلی بار اس انداز میں کھل کر بات کریں گی جیسا ہم شاذونادر دیکھتے ہیں۔ پرائم ویڈیو ہمارے لیے بہترین پارٹنر ثابت ہوا ہے تاکہ ہم ایک ایسا شو بنا سکیں جو بات چیت کو سیلیبریٹی کلچر سے زیادہ اہمیت دے، اور یہی اس فارمیٹ کو نیا اور تازہ بناتا ہے۔
