ممبئی : بالی ووڈ کے بادشاہ، اداکار شاہ رخ خان کی طویل عرصے کے بعد اسکرین پر واپسی نے مداحوں کو خوشی سے نہال کردیا ہے۔
شاہ رخ خان اسکرین پر واپس نظر آتے ہی مائیکرو بلاگنگ ویب سائٹ ٹوئٹر کا ٹاپ ٹرینڈ بن گئے ہیں۔ شاہ رخ خان کی ’واپسی‘ نے سوشل میڈیا پر دھوم مچادی اداکار نے اسکرین پر واپسی کے ساتھ ہی مائیکرو بلاگنگ ویب سائٹ ٹوئٹر پر بھی ایک طویل عرصے کے بعد ٹوئٹ کیا ہے۔
اُنہوں نے اپنے ٹوئٹر اکاؤنٹ پر اپنے ایک نئے اشتہار کی ویڈیو شیئر کی ہے، جس میں وہ بھرپور ایکشن میں نظر آرہے ہیں۔ اداکار کو اس اشتہار میں اسی نئے انداز میں دیکھا جاسکتا ہے جوکہ اُنہوں نے اپنی نئی فلم ’پٹھان‘ کے لیے اپنایا ہے۔ مداح اداکار کی واپسی پر اپنے اپنے انداز میں خوشی کا اظہار کررہے ہیں،
#ShahRukhKhan teasing fans with what he has in store for #Pathan. pic.twitter.com/xOXm9kGcvu
— Indian Box Office (@box_oficeIndian) February 22, 2022
کچھ مداح دلچسپ میمز شیئر کررہے ہیں تو کچھ شاہ رخ خان کی واپسی کی سوشل میڈیا پر دھوم دیکھ کر انکی شہرت کا موازنہ اُن کے ساتھی بالی ووڈ اداکاروں سے کررہے ہیں۔ جبکہ کچھ مداحوں کا کہنا ہے کہ اداکار نے اس اشتہار کے ذریعے اپنی فلم ’پٹھان‘ کی پہلی جھلک دکھا دی ہےتاہم، وہ پوری فلم دیکھنے کا بہت بے صبری سے انتظار کررہے ہیں۔
