ممبئی: سوشل میڈیا ایک ایسا پلیٹ فارم ہے جہاں مشہور شخصیات یا عام لوگ اپنی رائے کا اظہار کر سکتے ہیں اور کئی تنازعات بھی یہاں سے شروع ہوتے ہیں۔

بگ باس 7 کی فاتح اداکارہ گوہر خان بھی ان دنوں سوشل میڈیا صارفین پر غصے میں ہیں، جب ان پر اپنے سابق بوائے فرینڈ کشال ٹنڈن پر مذہب کی تبدیلی کا مطالبہ کرنے کا الزام لگایا تھا جس کی وجہ سے ان کا رشتہ ٹوٹ گیا۔

اب اداکارہ گوہر خان ،مسلمانوں کے لیے الگ قانون کے تعلق سے اعتراض پر مشتعل ہیں اور 'یکساں سول کوڈ (یو سی سی) کے مطالبے کے خلاف اپنا احتجاج درج کرایا ہے۔

Hey loser ! I’m a Muslim , and no body can ban us from having our rights , india is secular, it’s a democracy, not a dictatorship like u would desire ! So stay put in the comfort of your American status , n stop inciting hate in my country ! https://t.co/wvTTA8ZLMe

— Gauahar Khan (@GAUAHAR_KHAN) January 9, 2022

درحقیقت، یہ سب کاروباری شخصیت آشا جدیجا موٹوانی کے ایک ٹویٹ کے بعد شروع ہوا جس میں انہوں نے نشاندہی کی کہ بیرونی دنیا نہیں جانتی کہ ہندوستان میں اب بھی ہندوؤں اور مسلمانوں کے لیے مختلف عائلی قوانین موجود ہیں۔

یہ بھی کہا کہ ہندوؤں کو سیکولر قانون پر کیسے عمل کرنا ہے اور اس کے برعکس مسلمان 4 بیویاں رکھنے میں آزاد ہیں اور انہیں یہ حق بھی حاصل ہے کہ وہ شرعی قانون کے نام پر اپنی بیویوں اور بیٹیوں کو تعلیم سے محروم رکھیں۔ اس پر آشا نے ہندوستان کے ہر شہری کے لیے ایک ہی قانون یعنی یو سی سی کو لاگو کرنے کا مطالبہ کیا ہے۔

انہوں نے وزیر اعظم نریندر مودی اور ان کے دفتر کو اس ٹویٹ کو ٹیگ کیا۔ انہوں نے ہندوؤں کے لیے مساوی حقوق کا مطالبہ کیا اور آشا کے اس ٹوئٹ نے گوہر خان کوآگ بگولاکر دیا اور جواب میں گوہر نے لکھا ’’اے ہارنے والے! میں ایک مسلمان ہوں اور کوئی مجھے میرے حقوق کے استعمال سے محروم نہیں کر سکتا۔

ہندوستان ایک سیکولر ملک ہے۔ یہاں جمہوریت ہے، آمریت نہیں – جیسا آپ چاہیں۔ اس لیے تم امریکہ میں سہولت کی زندگی گزارو اور میرے ملک میں نفرت پھیلانا بند کرو۔

اس کے ساتھ گوہر پوچھتی ہیں کہ ان کی برادری کے لیے خصوصی حقوق 'سیکولرازم' کے تحت کب سے آئے؟ اس کے ساتھ ہی ایک بار پھر گوہر اور اس کے سابق کشال کے ساتھ ٹوٹے ہوئے تعلقات کا معاملہ پھر سے کھڑا ہو گیا ہے۔

دراصل، ایک رپورٹ میں کشال اور گوہر کی علیحدگی کی بڑی وجہ مذہب کو بتایا گیا تھا، جس میں کہا گیا تھا کہ گوہر نے کشال سے مذہب تبدیل کرنے کا مطالبہ کیا تھا۔

وہیں رپورٹس کے مطابق یہ بھی کہا جا رہا ہے کہ کشال ٹنڈن نے خود اعتراف کیا تھا کہ ان کی گوہر خان سے اپنے مذہب کو لے کر ہمیشہ لڑائی رہتی تھی۔ گوہر خان چاہتی تھیں کہ کشال مذہب تبدیل کر کے مسلمان ہو جائیں لیکن ان کے اسلام قبول نہ کرنے کی وجہ سے یہ رشتہ ٹوٹ گیا، حالانکہ گوہر ان تمام باتوں پر برہم نظر آئیں اور انہیں غلط بھی بتایا۔

ٹی وی اسٹار کشال ٹنڈن اور اداکارہ گوہر خان، دونوں سال 2013 میں 'بگ باس 7' میں قریب آئے تھے۔ لیکن یہ رشتہ زیادہ دیر نہیں چل سکا۔ مداحوں کی جانب سے انہیں بہت پیار ملا تھا اور وہ انہیں پیار سے 'گوشل' کہتے تھے لیکن تقریباً 1 سال تک ڈیٹنگ کے بعد دونوں کا بریک اپ ہوگیا

۔ 39 سالہ گوہر نے اپنے کیرئیر کا آغاز بطور ماڈل کیا اور 2002 میں فیمینا مس انڈیا کے مقابلے میں ایک مدمقابل کے طور پر روشنی میں آئیں۔

انھوں نے 2009 میں 'راکٹ سنگھ: سیلز مین آف دی ایئر' سے اپنے کیریئر کا آغاز کیا اور حال ہی میں '14 پھیرے (2021)' میں نظر آئیں۔ عشق زادے، 'بیگم جان' جیسی فلموں کے ساتھ، وہ 'تانڈو' ویب سیریز میں بھی نظر آئیں۔ اور سال 2020 میں انھوں نے موسیقار اسماعیل دربار کے بیٹے زید سے شادی کی۔