کورونا:لوگوں کی مدد میں مصروف: بھومی پیڈنیکر

Story by  ایم فریدی | Posted by  [email protected] | 2 Years ago
بھومی پیڈنیکر
بھومی پیڈنیکر

 

 

ممبئی

بالی وڈ اداکارہ بھومی پیڈنیکر نے کورونا وائرس کی دوسری لہر کے دوران لوگوں کی مدد کے لئے ایک مہم شروع کی ہے۔

کورونا وائرس کی دوسری لہر کے درمیان بالی ووڈ کی متعدد مشہور شخصیات نے لوگوں کی براہ راست مدد کرنے کی ذمہ داری بھی لی ہے۔

وہیں بھومی پیڈنیکر نے اپنے ٹویٹر اکاؤنٹ کے ذریعہ لوگوں کی مدد کرنے کے لئے ایک مہم شروع کی ہے جس کے تحت بھومی نے ایک فارم کا فارمیٹ پوسٹ کیا ہے جس میں مریض کا نام ، عمر ، جنس ، اسپتال ، بلڈ گروپ کی معلومات طلب کی گئی ہیں۔ بھومی نے لکھا ، جو لوگ مدد چاہتے ہیں وہ اس فارمیٹ میں بھیجیں۔

بھومی کے علاوہ منوج باجپئی ، سوشانت سنگھ ، انوبھو سنہا ، ویر داس جیسی مشہور شخصیات اپنے ٹویٹر اکاؤنٹس سے لوگوں کی اپیل کو ری ٹوئیٹ کرکے اضافہ کر رہے ہیں.

۔ پرینکا چوپڑا بھی لگاتار کووڈ انڈیا ہیش ٹیگ کے ساتھ ضروری معلومات شیئر اور ری ٹوئیٹ کررہی ہیں۔ سونم کپور ان دنوں لندن میں ہیں لیکن انہوں نے اپنے سوشل میڈیا اکاؤنٹس کو کووڈ ۔ 19 کے مریضوں کی مدد کے لئے کھول رکھا ہے۔

انسٹاگرام پر سونم نے ایک ویڈیو پوسٹ کی ، جس میں انہوں نے بتایا کہ انہوں نے انسٹاگرام کے ذریعے کووڈ۔ 19 کے وسائل شیئر کیے ہیں۔ سونم نے کہا کہ انہیں اپنی ضرورت کو ٹیگ کیجیئے اور وہ اس میں اضافہ کریں گی۔ سونم ٹویٹر کے ذریعے اس کام میں مصروف ہیں۔

(ایجنسی ان پٹ)