ملک اصغر ہاشمی ۔ نئی دہلی 

آسکر ایوارڈ یافتہ اور جے ہو جیسے یادگار گیتوں کے خالق اے آر رحمان ایک بار پھر عوامی بحث کا مرکز بن گئے ہیں۔ حالیہ بیان کے بعد پیدا ہونے والے تنازع پر انہوں نے وضاحت پیش کی تاکہ ان کے مؤقف کو درست تناظر میں سمجھا جا سکے۔ رحمان نے کہا کہ موسیقی ہمیشہ ان کے لیے ثقافت سے جڑنے اسے منانے اور اس کا احترام کرنے کا ذریعہ رہی ہے۔ انہوں نے کہا کہ ہندوستان ان کی تحریک ہے ان کا استاد ہے اور ان کا گھر ہے۔

انہوں نے تسلیم کیا کہ بعض اوقات باتوں کے معنی غلط سمجھے جاتے ہیں۔ انہوں نے کہا کہ ان کا مقصد ہمیشہ موسیقی کے ذریعے لوگوں کو بااختیار بنانا انہیں عزت دینا اور ان کی خدمت کرنا رہا ہے۔ انہوں نے واضح کیا کہ ان کا کسی کو تکلیف پہنچانے کا کبھی ارادہ نہیں رہا اور انہیں امید ہے کہ ان کی نیت کو سمجھا جائے گا۔

 

 

 

 

View this post on Instagram

 

 

 

 

 

 

 

 

 

 

 

A post shared by AR Rahman: Official Updates (@arrofficialupdates)

یہ تنازع اس وقت شروع ہوا جب رحمان نے بی بی سی کو دیے گئے ایک انٹرویو میں ہندی سنیما میں کام نہ ملنے کے اپنے تجربات بیان کیے۔ انہوں نے کہا کہ گزشتہ 8 برسوں میں ان کے کیریئر میں ایک طرح کی رکاوٹ رہی ہے۔ انہوں نے یہ سوال بھی اٹھایا کہ کیا بدلتے وقت کے ساتھ فلم انڈسٹری میں غیر تخلیقی فیصلے حاوی ہو رہے ہیں۔رحمان کا کہنا تھا کہ ایسے فیصلوں کےباعث منصوبے بکھر جاتے ہیں اور تخلیقی تسلسل متاثر ہوتا ہے۔ انہوں نے اس دور کو اپنے خاندان کے ساتھ زیادہ وقت گزارنے اور بامعنی مواقع کے انتظار کا وقت قرار دیا۔ تاہم جب ان کے بیان میں ممکنہ ثقافتی امتیاز کا ذکر آیا تو اس پر شدید بحث شروع ہو گئی اور مختلف انداز میں اس کی تشریح کی جانے لگی۔بیان سامنے آتے ہی رحمان کو سخت تنقید کا سامنا کرنا پڑا۔ معروف شاعر نغمہ نگار جاوید اختر گلوکار شان اداکارہ اور رکن پارلیمنٹ کنگنا رناوت اور مصنفہ کالم نگار شوبھا ڈے سمیت کئی معروف شخصیات نے ان کے بیان پر سوال اٹھائے۔

In a recent BBC interview, musician AR Rahman alluded to intellectual degeneration & discrimination on ground of religion in getting work in Bollywood during PM Modi's tenure. He's right. Bollywood is busy infecting society with rabid jingoism through chest-thumping fantasies. pic.twitter.com/OBO137l9My

— Seema Sengupta (@SeemaSengupta5) January 17, 2026

ایک رپورٹ کے مطابق شوبھا ڈے نے اس تبصرے کو خطرناک قرار دیا۔ انہوں نے کہا کہ انہوں نے گزشتہ 50 برسوں سے ہندی فلم انڈسٹری کو قریب سے دیکھا ہے اور یہ شعبہ بڑی حد تک فرقہ وارانہ امتیاز سے پاک رہا ہے۔ ان کے مطابق بالی ووڈ میں ہمیشہ صلاحیت کو اہمیت دی گئی ہے اور مذہب یا برادری کی بنیاد پر امتیاز کی کوئی مضبوط روایت نہیں رہی۔

🚨 BOLLYWOOD PUSHBACK ON AR RAHMAN’S ‘COMMUNAL’ REMARKS

New Delhi: Author and columnist Shobhaa De, singer Shaan, and veteran lyricist Javed Akhtar have reacted to music maestro A R Rahman’s recent remarks hinting at a possible “communal” angle behind the slowdown in his… pic.twitter.com/hl2aE1rmZT

— Eshani Verma (@eshaniverma809) January 17, 2026

گلوکار شان نے بھی کسی فرقہ وارانہ یا اقلیتی زاویے کو مسترد کرتے ہوئے کہا کہ کسی بھی فنکار کے کیریئر میں اتار چڑھاؤ آنا فطری بات ہے۔ انہوں نے کہا کہ یہ ذاتی اور موضوعی وجوہات سے جڑا ہوتا ہے۔ ان کے مطابق رحمان کا مقام اور ان کے مداحوں کی تعداد مسلسل بڑھتی رہی ہے اس لیے کام میں کمی کو کسی تعصب سے جوڑنا درست نہیں۔جاوید اختر نے بھی اسی طرح کی رائے دی۔ انہوں نے کہا کہ اپنے طویل کیریئر میں انہوں نے فلم انڈسٹری میں کبھی فرقہ واریت کا تجربہ نہیں کیا۔ انہوں نے یہ بھی کہا کہ رحمان کا احترام اتنا بلند ہے کہ کئی چھوٹے پروڈیوسر ان سے رابطہ کرنے سے پہلے بھی جھجھک محسوس کرتے ہیں جو ہندوستانی موسیقی میں ان کے منفرد مقام کو ظاہر کرتا ہے۔

Breaking : #KanganaRanaut attacks #ARRahman through her Instagram story by mentioning ;

Dear “ AR Rahman ji, I face so much prejudice and partiality in the film industry because I support a saffron party, yet I must say i have not come across a man more prejudiced and hateful… pic.twitter.com/qLOynpKEJp

— Kolly Censor (@KollyCensor) January 17, 2026

اس تنازع میں سب سے سخت بیان کنگنا رناوت کی جانب سے آیا۔ انہوں نے کہا کہ انہیں اپنے سیاسی خیالات کی وجہ سے فلم انڈسٹری میں امتیاز اور جانبداری کا سامنا کرنا پڑا ہے۔ اس کے باوجود انہوں نے کہا کہ انہوں نے رحمان سے زیادہ متعصب شخص نہیں دیکھا۔ کنگنا نے دعوی کیا کہ وہ اپنی ہدایت کاری میں بننے والی فلم ایمرجنسی کی کہانی رحمان کو سنانا چاہتی تھیں لیکن رحمان نے ان سے ملاقات سے بھی انکار کر دیا۔انہوں نے کہا کہ انہیں بتایا گیا کہ رحمان کسی پروپیگنڈا فلم کا حصہ نہیں بننا چاہتے۔ کنگنا نے یہ بھی کہا کہ ایمرجنسی کو کئی لوگوں نے شاہکار قرار دیا اور حزب اختلاف کے رہنماؤں نے بھی اس کے متوازن اور انسانی زاویے کی تعریف کی۔ اس کے باوجود ان کے مطابق رحمان منفی سوچ کے باعث اس فلم سے دور رہے۔

Here is John Abraham saying "Movies like Kashmir Files and Chhava are political propaganda driven"

But when AR Rahman says the same thing, Bhakts gets triggered and abuses him.

Rahman's muslim Identity is enough to trigger the Bhakts.pic.twitter.com/tGbBHih1oe

— Nehr_who? (@Nher_who) January 17, 2026

تاہم اس پورے معاملے میں رحمان کے حق میں بھی کئی آوازیں اٹھیں۔ سوشل میڈیا پر ان کے حامیوں نے اداکار جان ابراہم کا ایک پرانا انٹرویو شیئر کیا جس میں انہوں نے کشمیر فائلز جیسی فلموں سے دوری اختیار کرنے کی بات کی تھی۔ قابل ذکر ہے کہ کشمیر فائلز کو ایک طبقہ پروپیگنڈا فلم قرار دیتا رہا ہے۔ رحمان نے بھی اپنے بیان میں اسی نوعیت کی فلموں کی طرف اشارہ کیا تھا جسے ان کے حامیوں نے تخلیقی آزادی کے تناظر میں درست قرار دیا۔

#IndianMusic | AR Rahman admits he has lost Bollywood work in the last 8 years, citing industry power shifts and non-creative control

Please remember the journey of AR Rehman's life: @asadowaisi, AIMIM Chief in an #Exclusive interview with CNN-News18's @payalmehta100 #ARRehman… pic.twitter.com/PZYqkFYSKa

— News18 (@CNNnews18) January 18, 2026

سیاسی سطح پر بھی اس بیان کو حمایت ملی۔ اے آئی ایم آئی ایم کے رکن پارلیمنٹ اسدالدین اویسی نے ایک ٹی وی انٹرویو میں کہا کہ اے آر رحمان آج جس مقام پر ہیں وہ ان کی محنت جدوجہد اور صلاحیت کا نتیجہ ہے۔ انہوں نے کہا کہ حالیہ برسوں میں پیش آنے والے بعض واقعات کے پیش نظر فنکاروں کے خدشات کو نظر انداز نہیں کیا جانا چاہیے۔

اسی طرح ایک اور چینل پر اسلامی اسکالر محمد عثمان نے کہا کہ رحمان کی باتوں کو سنجیدگی سے لیا جانا چاہیے اور ان کی نشاندہی کردہ وجوہات پر غور ضروری ہے۔

تنازع پر وضاحت کے بعد بالی ووڈ سے بھی رحمان کی حمایت سامنے آئی۔ سینئر اداکار اور سابق بی جے پی رکن پارلیمنٹ پریش راول نے ان کے حق میں بیان دیتے ہوئے کہا کہ اے آر رحمان ملک کا فخر ہیں۔ انہوں نے کہا کہ رحمان کی فنکارانہ خدمات نے ہندوستان کو عالمی سطح پر وقار بخشا ہے۔ ان کے مطابق رحمان جیسے فنکار کسی تنگ نظری سے بالاتر ہیں اور ان کی خدمات کو سیاست یا تنازعات میں محدود نہیں کیا جانا چاہیے۔

After facing backlash over his ‘communal bias’ remark, AR Rahman issued a heartfelt clarification, saying his intention was never to hurt sentiments. Veteran actor Paresh Rawal came out in support, calling the Oscar-winning composer the pride of India. #ARRahman #PareshRawal… pic.twitter.com/M8TW5nprCD

— The Daily Jagran (@TheDailyJagran) January 18, 2026

مجموعی طور پر اے آر رحمان کا یہ معاملہ صرف ایک بیان تک محدود نہیں بلکہ یہ ہندوستانی سنیما فن اور اظہار کی آزادی سے جڑے بڑے سوالات کو بھی سامنے لاتا ہے۔ رحمان کی وضاحت سے یہ بات واضح ہوتی ہے کہ ان کا مقصد کسی فرد ادارے یا برادری پر الزام لگانا نہیں تھا بلکہ اپنے تجربات کو ایمانداری سے بیان کرنا تھا۔ موسیقی کے ذریعے ثقافت کو جوڑنے والے اس عظیم فنکار کی سوچ اور سفر آج بھی ایک ایسے پل کی مانند ہیں جہاں مکالمہ احساس اور سمجھ بوجھ کی سب سے زیادہ ضرورت ہے۔