امیتابھ بچن کے پاس بھی کام نہیں،بگ بی پریشان

Story by  غوث سیوانی | Posted by  [email protected] | 2 Years ago
امیتابھ بچن کے پاس بھی کام نہیں،بگ بی پریشان
امیتابھ بچن کے پاس بھی کام نہیں،بگ بی پریشان

 

 

ممبئی: بالی وڈ کے بگ بی امیتابھ بچن بھی ان اداکاروں میں شامل ہیں جن کا کام کووڈ کی وجہ سے متاثر ہوا ہے۔

ممبئی سمیت ملک کی کئی ریاستوں میں کووڈ کے کیسز میں غیر معمولی اضافہ ہو رہا ہے جس کی وجہ سے کورونا پابندیوں کا اطلاق کیا جا رہا ہے۔

ایسے میں جہاں عام عادمی پریشان ہے وہیں اداکاری کے شہنشاہ امیتابھ بچن بھی ان دنوں اپنے گھر میں فارغ بیٹھے ہیں۔ امیتابھ بچن نے انسٹاگرام پر پوسٹ شیئر کی اور مداحوں کے ساتھ اپنی پریشانی کا تذکرہ کیا،

 

انہوں نے اپنی بڑھی ہوئی داڑھی کے ساتھ ایک تصویر پوسٹ کی۔ اداکار نے کیپشن ہندی میں لکھا کہ 'سب کچھ بند ہے، کام رُک گیا ہے بس داڑھی بڑھ رہی ہے'۔

 

امیتابھ بچن کی پوسٹ پر جہاں صارفین کی بڑی تعداد نے اپنے تبصرے پیش کیے وہیں بھارتی کرکٹ ٹیم کے سابق کپتان اور بی سی سی آئی کے سربراہ سوروگنگولی نے بھی اداکار کی پوسٹ کو 'شاندار' کہا۔