ممبئی
گھریلو شیئر بازار میں پیر کے روز ابتدائی کاروبار کے دوران سینسیکس اور نفٹی میں تیزی دیکھی گئی۔
تیل کی قیمتوں میں نرمی، عالمی بازاروں میں مثبت رجحان اور ایشیائی بازاروں میں تیزی کے باعث مارکیٹ کو سہارا ملا۔
بی ایس ای سینسیکس ابتدائی کاروبار میں 657.80 پوائنٹس بڑھ کر 77,571.30 پر پہنچ گیا، جبکہ این ایس ای نفٹی 213.35 پوائنٹس کے اضافے کے ساتھ 24,215.10 کی سطح پر پہنچ گیا۔
سینسیکس میں شامل 30 کمپنیوں میں سے ماروتی کے شیئر میں چار فیصد کا اضافہ ہوا۔ ہندستان یونی لیور، لارسن اینڈ ٹوبرو، اڈانی پورٹس، ایشین پینٹس اور مہندرا اینڈ مہندرا کے شیئرز میں بھی تیزی دیکھی گئی۔ دوسری جانب کوٹک مہندرا بینک، ایٹرنل، ٹاٹا کنسلٹنسی سروسز اور ٹائٹن کے شیئرز میں کمی درج کی گئی۔
عالمی معیار برینٹ کروڈ کی قیمت 0.27 فیصد کی کمی کے ساتھ 107.9 ڈالر فی بیرل رہی۔
شیئر بازار کے اعداد و شمار کے مطابق غیر ملکی ادارہ جاتی سرمایہ کار بدھ کے روز فروخت کار رہے اور انہوں نے 8,047.86 کروڑ روپے کے شیئر فروخت کیے، جبکہ گھریلو ادارہ جاتی سرمایہ کاروں نے 3,487.10 کروڑ روپے کے شیئر خریدے۔
