نئی دہلی
معاشی ترقی کے اس جدید دور میں دولت کی غیر مساوی تقسیم عام ہو گیئ ہے- امیر اور غریب میں جتنا فرق و تفاوت اس دور میں پیدا ہوا ہے ویسا پہلے کبھی نہیں تھا- اسی سلسلے میں دنیا کے امیر ترین افراد کی فہرست سے متعلق ایک نیا انکشاف ہوا ہے۔ دنیا بھر میں امیرترین افراد کی دولت سے متعلق اعداد و شمار جمع کرنے کے لئے معروف نیو ورلڈ ویلتھ نے اپنی ایک تازہ رپورٹ شائع کی ہے۔
رپورٹ کے مطابق مشرق وسطیٰ میں قریبا 4 لاکھ کے قریب مالدار افراد خطے میں موجود ہیں اور ان میں سے ہر ایک دس لاکھ ڈالر یا اس سے زیادہ دولت رکھتا ہے۔ مشرق وسطیٰ میں متحدہ عرب امارات کو مالداروں کی جنت قرار دیا گیا ہے جہاں 83 ہزار 400 مالدار شخصیات ہیں اور ان کی مجموعی دولت 870 ارب ڈالر ہے۔
مشرق وسطیٰ اور شمالی افریقہ میں مالدار ملکوں کی فہرست میں امارات سرفہرست ہے۔امارات میں مالداروں کی تعداد میں پچھلے 20 سال میں 35 ہزار سے زائد امیر لوگوں کا اضافہ ہوا ہے۔