نیو یارک

امریکا کے نو منتخب صدر جو بائیڈن کی انتظامیہ نے داخلی امور میں مشاورت کے لئے مزید دو ہندوستانی نژاد امریکیوں کی تقرری کی ہے۔ واضح رہے کہ امریکی صدر جو بائیڈن نے یہ تقرری اپنے کل کی تقریر کے بعد کی ہے جس میں انہوں نے از راہے مذاق کہا تھا کہ اب تو ہندوستانی نژاد امریکی ہی امریکا کے اقتدار کو سنبھال رہے ہیں۔

وائٹ ہاؤس نے صدر بائیڈن اور نائب صدر کملا ہیرس کے ذریعہ چیراگ بینس اور پرنیتا گپتا کو ڈومیسٹک پالیسی کونسل میں مشیر کے عہدوں پر ان کی تقرری کا اعلان جاری کیا۔ ان دونوں نے سابق صدر براک اوباما کی انتظامیہ میں بھی خدمات انجام دی تھیں۔ اس وقت بائیڈن نائب صدر تھے۔

بینس فوجداری معاملات کو دیکھیں گے جبکہ گپتا لیبر کے مسائل کی مشیر ہوں گی ۔

دونوں افراد اس 20 سے زیادہ ہندوستانی نژاد امریکیوں کی ٹیم کا حصہ ہوں گے جنہیں بائیڈن نے ان کی انتظامیہ کے اعلی عہدوں پر مقرر کیا ہے۔ انہیں سینیٹ کی تصدیق کی ضرورت نہیں ہوگی کیونکہ وہ صدر کے عملے کے ماتحت ہوں گے۔