نئی دہلی

معیشت کی زبوں حالی کے شکار پڑوسی ملک پاکستان  کورونا کی وبا کے اس دور میں بھی جنگی اسلحوں سے خود کو لیس کرنے میں مصروف ہے۔ اس سلسلے کو جاری رکھتے ہوئے اس نے شاہین میزائل سیریز کے ایک جدید ورزن کا تجربہ کرنے کا دعوا کیا ہے۔

پاکستانی فوج کے شعبہ تعلقات عامہ کے مطابق شاہین ون اے بیلسٹک میزائل 900 کلو میٹر تک ہدف کو کامیابی کے ساتھ نشانہ بنا سکتا ہے۔ آئی ایس پی آر کے مطابق میزائل تجربے کا مقصد ویپن سسٹم کے مختلف ڈیزائن اور تکنیکی پیرا میٹرز کو دیکھنا تھا۔

بیلسٹک میزائل کے کامیاب تجربے پر صدر پاکستان اور وزیراعظم پاکستان نے اپنے ملک کے سائنسدانوں اور انجینئرز کو مبارکباد دی ہے ۔