ویلنگٹن: نیوزی لینڈ میں اتوار کو کورونا وائرس کے 10,239 نئے کیسز رپورٹ ہوئے۔

وزارت صحت نے ایک بیان میں یہ اطلاع دی۔

وزارت کے مطابق مقامی طور پر منتقل ہونے والے 10,239 نئے کیسز میں سے 1,886 اس کے سب سے بڑے شہر آکلینڈ سے رپورٹ ہوئے ہیں۔

اس کے بعد کینٹربری سے 1750، وائیکاٹو سے 913، بے آف پلینٹی سے 617، ویلنگٹن سے 692 کیسز درج کیے گئے ہیں۔

اس کے علاوہ نیوزی لینڈ کی سرحد پر بھی کورونا وائرس کے 33 نئے کیسز سامنے آئے ہیں۔

ملک کے مختلف اسپتالوں میں کل 848 کورونا مریض ہیں، جن میں سے 28 مریض آئی سی یو یا ایچ ڈی یو میں داخل ہیں۔ وزارت نے اس دوران چار افراد کی ہلاکت کی بھی اطلاع دی ہے۔ نیوزی لینڈ میں وبائی امراض کے آغاز سے اب تک 596,402 تصدیق شدہ کیسز ہیں۔

اس وقت نیوزی لینڈ میں کورونا کے بڑھتے ہوئے پھیلاؤ کے پیش نظر ریڈ الرٹ جاری ہے۔ جمعہ کو جاری کردہ پروٹوکول کے مطابق بند جگہ پر ہونے والے اجتماعات میں 200 افراد کی حد ہے جبکہ کھلی جگہ پر کوئی حد نہیں ہے۔ (ایجنسی)