بغداد: عراق میں ایک خوفانک حادثہ ہوا جس میں سو سے زیادہ جانیں تلف ہوگئیں ۔ ملک  کے صوبے نینویٰ کے ضلع ہمدانیہ میں شادی کی ایک تقریب میں آتشزدگی سے 100 سے زائد افراد ہلاک جبکہ 150 زخمی ہو گئے ہیں۔ ب

 نینویٰ کے ڈپٹی گورنر حسن العلق نے بتایا کہ 113 افراد کے ہلاک ہونے کی تصدیق ہو چکی ہے۔ سرکاری میڈیا نے ہلاکتوں کی تعداد 100 جبکہ زخمیوں کی تعداد 150 بتائی ہے۔

تقریب میں جشن کے دوران ہونے والی آتش بازی سے ایونٹ ہال میں آگ بھڑک اُٹھی۔ 34 سالہ عماد یوہانہ نے بتایا کہ ہم نے آگ کو ہال سے باہر پھیلتے دیکھا۔ جو باہر نکل سکتے تھے وہ نکل گئے جو نہیں نکل سکے وہ پھنس گئے۔

جائے حادثہ پر موجود روئٹرز کے نمائندے کی ویڈیو میں دیکھا جا سکتا ہے کہ آگ بجھانے والا عملہ عمارت کے جلے ہوئے ملبے پر چڑھ رہا ہے۔ سرکاری میڈیا کا کہنا ہے کہ ابتدائی معلومات کے مطابق عمارت انتہائی آتش گیر تعمیراتی مواد سے بنی تھی جس کی وجہ سے فوراً ہی ملبے کا ڈھیر بن گئی۔

عینی شاہدین نے بتایا کہ مقامی وقت کے مطابق عمارت میں آگ لگنے کے وقت وہاں سینکڑوں لوگ جشن منا رہے تھے۔ہم نے ہال سے باہر نکلتے ہوئے آگ کو دھڑکتے ہوئے دیکھا۔ جو بچ گئے وہ باہر نکل گئے اور جو پھنس گئے۔ وہ مر گئے ۔

سرکاری بیانات کے مطابق وفاقی عراقی حکام اور عراق کے نیم خودمختار کردستان کے علاقے کی جانب سے ایمبولینسز اور طبی عملے کو جائے وقوعہ پر روانہ کیا گیا۔

سرکاری بیانات کے مطابق، وفاقی عراقی حکام اور عراق کے نیم خودمختار کردستان کے علاقے کی طرف سے ایمبولینسز اور طبی عملے کو جائے وقوعہ پر روانہ کیا گیا۔ جائے وقوعہ پر موجود عینی شاہدین نے بتایا کہ عمارت میں مقامی وقت کے مطابق رات 10:45 بجے کے قریب آگ لگی اور وہاں سینکڑوں افراد موجود تھے۔ عراق شادی آگ آتش بازی ہلاکتیں آتشزدگی