نئی دہلی: ہندوستان اور سعودی عرب کے درمیان مضبوط ہوتے ہوئے تعلقات میں جمعرات کو ایک نئے باب کا اضافہ ہوا ہے۔ سعودی عرب نے فیصلہ کیا ہے کہ ہندوستانی شہریوں کو اب ملک کا ویزا حاصل کرنے کے لیے پولیس کلیئرنس سرٹیفکیٹ (پی سی سی) جمع کرانے کی ضرورت نہیں ہوگی۔
دہلی میں سعودی سفارت خانے نے ٹویٹ کیا کہ سعودی عرب اور ہندوستان کے درمیان مضبوط تعلقات اور اسٹریٹجک شراکت داری کو دیکھتے ہوئے، مملکت نے ہندوستانی شہریوں کو پولیس کلیئرنس سرٹیفکیٹ جمع کرنے سے مستثنیٰ قرار دینے کا فیصلہ کیا ہے۔
In view of the strong relations and strategic partnership between the Kingdom of Saudi Arabia and the Republic of India, the Kingdom has decided to exempt the Indian nationals from submitting a Police Clearance Certificate (PCC). pic.twitter.com/LPvesqLlPR
— Saudi Embassy in New Delhi (@KSAembassyIND) November 17, 2022
سفارت خانے کی جانب سے جاری کیے گئے خط میں کہا گیا ہے کہ ہندوستانی شہریوں کو ویزا کے حصول کے لیے اب پی سی سی جمع کرانے کی ضرورت نہیں ہوگی۔ یہ فیصلہ دونوں ممالک کے درمیان بڑھتے ہوئے تعلقات کو مزید بہتر بنانے کے لیے کیا گیا ہے۔ سفارت خانہ سعودی عرب میں پرامن طریقے سے رہنے والے 20 لاکھ ہندوستانی شہریوں کے تعاون کی تعریف کرتا ہے۔