کھٹمنڈو: ہندوستانی فوج کے سربراہ جنرل منوج پانڈے کو پیر کو کھٹمنڈو میں نیپالی صدر بدیا دیوی بھنڈاری نے نیپالی فوج کےاعزازی جنرل کے خطاب سے نوازا۔ جنرل پانڈے کو نیپال کے دارالحکومت  صدر کی سرکاری رہائش گاہ 'شیتل نواس' میں ایک خصوصی تقریب میں ان کے نیپال کے جاری دورے کے دوران اس اعزاز سے نوازا گیا ہے۔

ہندوستانی فوج کے چیف آف آرمی سٹاف جنرل منوج پانڈے کو 5 ستمبر 2022 کو نیپال کی صدر آر ٹی آنر محترمہ بدیا دیوی بھنڈاری نے نیپالی فوج کے اعزازی جنرل کا خطاب سے نوازا۔ انہیں ایک خصوصی تقریب میں اس اعزاز سے نوازا گیا۔

 یہ عمل ایک دوسرےکے ملک کے آرمی چیف کو اعزازی ٹائٹل سےنوازنے کی سات دہائیوں پرانی روایت کی پیروی کرتا ہے۔ کمانڈر انچیف جنرل کے ایم کریپا پہلے ہندوستانی آرمی چیف تھے جنہیں 1950 میں اس خطاب سے نوازا گیا تھا۔

گزشتہ سال نومبر میں نیپالی فوج کے سربراہ جنرل پربھو رام شرما کو سابق صدر رام ناتھ کووند نے ہندوستانی فوج کے اعزازی جنرل کے خطاب سے نوازا تھا۔

جنرل منوج پانڈے نے اس اعزاز کے لیے صدربدیا دیوی بھنڈاری کا شکریہ ادا کیا۔

اس سے قبل جنرل منوج پانڈے نے کھٹمنڈو کے ٹنڈی خیل میں آرمی پویلین میں واقع بیر اسمارک پر گل پوشی کی اس کے بعد انہوں نے نیپالی فوج کے ہیڈکوارٹر کا دورہ کیا جہاں انہیں رسمی گارڈ آف آنر سے نوازا گیا۔

 ہندوستانی حکومت کی جانب سے جنرل منوج پانڈے نے نیپالی فوج کو ہلکی گاڑیوں کے ساتھ تربیتی سامان پیش کیا جس سے نیپالی فوج کے اہلکاروں کی صلاحیتوں میں اضافہ ہوگا۔