شہنشاہ جذبات یوسف خان عرف دلیپ کمار نے آج ساڑھے سات بجے صبح 98 سال کی عمر میں اس دار فانی سے کوچ کیا۔۔
ان کے انتقال سے ہندوستانی فلم انڈسٹری کا ایک دور ختم ہوگیا۔چہار جانب سے انہیں خراج عقیدت پیش کئے جانے کا سلسلہ جاری ہے۔
پڑوسی ملک پاکستان کے وزیراعظم عمران خان نے بھی دلیپ کمار کے انتقال پر گہرے رنج و غم کا اظہار کیا ہے۔۔
وزیر اعظم عمران خان نے اپنے ٹوئٹ میں لکھا کہ دلیپ کمار (یوسف خان ) بہترین شخصیت کے مالک اداکار تھے۔
Saddened to learn of Dilip Kumar's passing. I can never forget his generosity in giving his time to help raise funds for SKMTH when project launched. This is the most difficult time - to raise first 10% of the funds & his appearance in Pak & London helped raise huge amounts.
— Imran Khan (@ImranKhanPTI) July 7, 2021
انھوں نے کہا کہ دلیپ کمار کے انتقال کے بارے میں جان کر بہت رنج ہوا۔ جب میں شوکت خانم میموریل کینسر اسپتال کے لئے فنڈ جمع کر رہا تھا۔ انھوں نے اس میں اپنا بھرپور تعاون دیا تھا۔ اس کے لیے انھوں نے جو فیاضی دکھائی تھی، اسے میں کبھی نہیں بھول سکتا۔یہ بہت مشکل وقت ہے۔پاکستان اور لندن میں ان کی موجودگی کے دوران بڑی رقوم جمع ہوئی تھیں۔
وزیراعظم عمران خان نے یہ بھی لکھا کہ اسپتال کے لیے ابتدائی فنڈ کا دس فیصد حصہ ان کے تعاون اور ان کی کوششوں سے جمع ہوا تھا۔